Прыёмная выканкама
210010, г.Віцебск, вул.Гогаля, 6
e-mail: oik@vitobl.by
Тэлефон: (+375-212) 48-11-55
Факс: (+375-212) 48-11-56
Віцебскі абласны выканаўчы камітэт
Дзелавое супрацоўніцтва

Даследчыкі з Беларусі, Германіі, Расіі, ЗША, Ізраіля прымуць удзел у Шагалаўскіх чытаннях

04.06.2019

XXVII Міжнародныя Шагалаўскія чытанні, прысвечаныя 100-годдзю заснавання Віцебскага народнага мастацкага вучылішча, пройдуць 15-16 чэрвеня ў Віцебску, паведамілі БЕЛТА ў Музеі Марка Шагала.

У канферэнцыі прымуць удзел даследчыкі з Беларусі, Германіі, Расіі, ЗША, Ізраіля. Па традыцыі, даклады будуць прысвечаны даследаванню біяграфіі і творчай спадчыны мастака. Асаблівасцю гэтага года стане паглыблены разгляд праблематыкі, звязанай з дзейнасцю і персаналіямі Віцебскага народнага мастацкага вучылішча, які заснаваны Маркам Шагалам і прыняў сваіх першых абітурыентаў у 1919 годзе. Міжнародныя Шагалаўскія чытанні праводзяцца ў Віцебску штогод з 1991 года. З 1992-га яны сталі міжнароднымі. За гэты час у чытаннях прынялі ўдзел даследчыкі з Беларусі, Расіі, Украіны, Францыі, Вялікабрытаніі, Швейцарыі, ЗША, Ізраіля, Германіі, Латвіі і іншых краін. Большасць матэрыялаў гэтых чытанняў апублікавана ў чатырох выпусках "Шагалаўскага зборніка" і "Бюлетэні Музея Марка Шагала".

БЕЛТА.

Версия для печати