Міністр адзначыла, што ў яе засталося станоўчае ўражанне ад кожнага званка і асабістай размовы з грамадзянамі. "Былі звароты і па пытаннях работы СМІ, гучала тэма недакладнасці інфармацыі ў інтэрнэце. У нас сфарміравана неабыякавае грамадства. І мы бачым, што прэса павінна адпавядаць запытам чытача, гледача, слухача. І ў аснове гэтых патрабаванняў - дакладная інфармацыя. Праўдзівая інфармацыя служыць стваральным працэсам, - падкрэсліла міністр. - На праблемныя пытанні трэба глыбока глядзець. А калі проста вырываць, выхопліваць факты, то гэта не сапраўдная журналістыка, гэта непрафесійная работа".
Міністр дала высокую ацэнку полацкім
выданням, у прыватнасці адзначыла газету "Полоцкий вестник", якая ў
гэтым годзе святкуе 100-годдзе. "Вельмі сімпатычная газета, газета з
традыцыямі, з добрым тыражом амаль 10 тыс. Для раённай газеты гэта важка.
Значыць, выданне запатрабавана, газета патрэбна. Два разы на тыдзень выходзіць
друкаваная версія, і гэта нараўне з інтэрнэт-рэсурсам, які працуе. Гэта добры
ўзровень інфармавання насельніцтва", - сказала Лілія Ананіч. Пад
старшынствам міністра сёння прайшло пасяджэнне рабочай групы па падрыхтоўцы і
правядзенні Дня беларускага пісьменства, які ў пачатку верасня прыме Полацк. На
пасяджэнні падрабязна разглядаліся пытанні падрыхтоўкі, удзельнікі пасяджэння
выказвалі прапановы, пабывалі на асноўных пляцоўках будучага свята.
Алёна Ціханава - БЕЛТА.