Паважаныя работнікі культуры Віцебшчыны!
Прыміце цёплыя і сардэчныя віншаванні з прафесійным святам – Днём работнікаў культуры!
Выказваю вам удзячнасць за прафесіяналізм, любоў да прыгожага і памкненне перадаць гэту любоў іншым. Менавіта вы, артысты, мастакі, народныя майстры, супрацоўнікі музеяў, бібліятэк, тэатраў, дамоў культуры, прадстаўнікі творчых калектываў, усе, хто шчыра і апантана працуе на ніве культуры і мастацтва, ствараеце аснову для выхавання ў грамадстве найлепшых пачуццяў – любові да радзімы, прыгажосці, дабрыні.
Рэалізацыя шматлікіх культуралагічных праектаў, арганізацыя і правядзенне міжнародных фестываляў і конкурсаў спрыяе вызначэнню нацыянальнай спадчыны як часткі сусветнай культуры, раскрывае творчы патэнцыял грамадзян Беларусі, стварае незабыўную святочную атмасферу. У Год культуры мы асабліва падкрэсліваем значнасць захавання і развіцця нацыянальнай свядомасці, духоўных каштоўнасцяў Прыдзвінскага краю.
Няхай ваша праца заўсёды будзе заўважанай і дазволіць захаваць культурную спадчыну для нашчадкаў. Менавіта таму Віцебскім абласным выканаўчым камітэтам заснавана прэмія за высокія творчыя дасягненні ў галіне культуры і мастацтва. Штогод атрымліваюць прэміі і лепшыя навучэнцы дзіцячых мастацкіх школ і каледжаў. У мінулым годзе больш за 50 юнакоў і дзяўчат сталі лаўрэатамі творчых конкурсаў, 22 навучэнцы дзіцячых школ мастацтваў увайшлі у банк спецыяльнага фонда Прэзідэнта Рэспублікі Беларусь па падтрымцы таленавітай моладзі.
Упэўнены, сваім талентам і самаадданай працай вы ўмацуеце паўночны рэгіён Беларусі новымі творчымі дасягненнямі і здабыткамі.
Жадаю вам, дарагія сябры, здароўя, шчасця, дабрабыту, натхнення і прафесійных поспехаў!
З павагай,
Мікалай Шарснёў,
старшыня Віцебскага
абласнога выканаўчага камітэта.