Аляксандр Субоцін і Уладзімір Юргевіч сустрэліся з дырэктарам футбольнага клуба "МЛ Віцебск" і гульцамі каманды

Аляксандр Субоцін і Уладзімір Юргевіч сустрэліся з дырэктарам футбольнага клуба "МЛ Віцебск" Віктарам Фаўставічам і гульцамі каманды — Дзянісам Левіцкім і Уладзіславам Жуком.

Кіраўнік рэгіёна і памочнік Прэзідэнта-інспектар па Віцебскай вобласці падзякавалі прадстаўнікам клуба за паспяховае выступленне на Чэмпіянаце Рэспублікі Беларусь па футболе Вышэйшай лігі 2025 года.

Хатні паядынак адбыўся 23 лістапада супраць "Гомеля" і завяршыўся з лікам 5:0.

Старшыня аблвыканкама ўручыў Падзячны ліст ад кіраўніцтва рэгіёна і абласнога Савета дэпутатаў.

Віктар Фаўставіч на памяць аб сустрэчы падарыў Аляксандру Субоціну мяч з аўтографамі гульцоў "МЛ "Віцебск", а таксама імянную футболку.