Аляксандр Субоцін: «У пытаннях будаўніцтва асабліва трэба бегчы наперад праблемы, гэта сацыяльна важнае пытанне»

У пытаннях будаўніцтва асабліва трэба бегчы наперадзе праблемы, гэта сацыяльна важнае пытанне. Пра гэта заявіў старшыня Віцебскага аблвыканкама Аляксандр Субоцін падчас пасяджэння аблвыканкама, дзе разглядалася пытанне «Аб выкананні ў 2025 годзе заданняў па будаўніцтве і ўводзе ў эксплуатацыю агульнай плошчы жылых дамоў». У рабоце пасяджэння прымалі ўдзел старшыня Палаты прадстаўнікоў Нацыянальнага сходу Рэспублікі Беларусь Ігар Сяргейнка і старшыня праўлення Нацыянальнага банка Раман Галоўчанка.

– Будаўніцтва – адзін з асноўных маркераў, па якім ацэньваецца дынаміка развіцця любога рэгіёна. Для Віцебскай вобласці традыцыйна ўжо чацвёрты год растуць даведзеныя паказчыкі па ўводзе жылых плошчаў, – адзначыў кіраўнік рэгіёна. – І мы іх выконваем. За 2025 год на будаўніцтве жылля ўжо выкарыстана 424 млн рублёў інвестыцый у асноўны капітал, у тым ліку на будаўніцтве інжынерных сетак – амаль 60 млн. На 2025 год Віцебскай вобласці ўстаноўлена напружанае заданне па ўводзе ў эксплуатацыю жылля ў аб'ёме 400 тыс. квадратных метраў. Важна выявіць праблемы, якія ўзнікаюць па ходзе выканання задання, вызначыць, у чым трэба ўзмацніць пазіцыі, каб справіцца з пастаўленымі задачамі.

Як паказвае практыка, адзначыў Аляксандр Субоцін, рэзерв будаўнічай галіны на Віцебшчыне ёсць, тут могуць будаваць якасна і ў тэрмін. Асаблівую ўвагу трэба надаць зацягванню тэрмінаў праектавання шматкватэрных дамоў. Таму да таго, як плануецца будаваць дом, у раённых бюджэтах павінны быць прадугледжаны сродкі на перадпраектную дакументацыю і такім чынам бегчы наперадзе праблемы, рэзюмаваў Аляксандр Субоцін.

"Віцебскія весці"