ВЯЛІКІ ФОТАРЭПАРТАЖ з гала-канцэрта. На «Славянскім базары» назвалі пераможцаў дзіцячага музычнага конкурсу
У канцэртнай зале адбылася цырымонія ўзнагароджання і гала-канцэрт удзельнікаў XXIII Міжнароднага дзіцячага музычнага конкурсу "Віцебск-2025".
Мірас Нагашыбай з Казахстана стаў уладальнікам дыплома першай ступені. Другую прэмію адвязуць расіянін Заур Барагуноў і Мірэйль Маккей з Мальты. Ну а трэцяй прэміяй адзначаны Леў Смерцін з Малдовы і Мацей Бешанджыеў з Балгарыі.
Спецыяльная прэмія імя Ігара Лучанка за лепшае ўвасабленне нацыянальнай тэмы, высокае выканальніцкае майстэрства дасталася Мірасу Нагашыбаеву.
Спецыяльныя прызы Парламенцкага сходу Саюза Беларусі і Расіі заваявалі Амалія Сухан і расіянін Заур Барагуноў.
Спецыяльны прыз Выканаўчага камітэта "Крыштальная нотка садружнасці" – Мілана Ардакян з Арменіі.
Спецыяльны прыз ад члена журы Яны Клявіні – сертыфікат на песню – атрымаў Заур Барагуноў.