Ідэю мастацтва, якое аб'ядноўвае ўсе мовы і народы, заклалі ў аснову цырымоніі адкрыцця XXXII Міжнароднага фестывалю мастацтваў "Славянскі базар у Віцебску". Аб гэтым на прэс-канферэнцыі ў Доме прэсы паведаміла рэжысёр урачыстага адкрыцця форуму Агата Мацко.

"Мы прадаўжаем эксперыментаваць па сцэнічным афармленні і прадаўжаем ідэю трансфармацыі сцэны, каб артыст мог быць максімальна блізка да гледача. У нас будзе прадаўжэнне мінулагодняга подыуму, але ў іншай канфігурацыі і іншымі тэхнічнымі асаблівасцямі. У аснову праграмы мы паклалі такую ідэю, як мастацтва міру і ўзаемаразумення. Мастацтва з'яўляецца той дыялогавай пляцоўкай і той мовай, якая аб'ядноўвае народы, краіны, артыстаў розных жанраў", - сказала рэжысёр.

Галоўнай навацыяй цырымоніі адкрыцця творчага форуму яна назвала змену фармату вядучых. На гэты раз на сцэне з'явяцца пяць розных пар, сярод якіх будуць беларускія медыйныя і легендарныя асобы. Агата Мацко назвала адно прозвішча: "У 1998 годзе яна была вядучай адной з праграм "Славянскага базару" і мы вырашылі запрасіць яе да ўдзелу. Гэта народная артыстка Расіі Ангеліна Воўк. Думаю, яе кожны помніць, ведае і сустрэне авацыямі, - адзначыла рэжысёр. - Калі яна пачула пра запрашэнне на фестываль, адразу ж пагадзілася.

Мерапрыемствы XXXII Міжнароднага фестывалю мастацтваў "Славянскі базар у Віцебску" пройдуць з 12 па 17 ліпеня.

"БЕЛТА"