Першы рэйс дадатковага поезда міжрэгіянальных ліній Мінск-Віцебск, назначаны Беларускай чыгункай на час правядзення фестывалю мастацтваў \"Славянскі базар у Віцебску\", адбудзецца 12 ліпеня, паведамілі ў прэс-службе БЧ.

\"Поезд нумар 644/643 Мінск-Віцебск будзе курсіраваць штодзень з 12 па 21 ліпеня. Расклад яго руху складзены з улікам праграмы правядзення фестывалю\", - растлумачылі ў прэс-службе. У прыватнасці, Беларуская чыгунка прадугледзела зручны графік руху поезда не толькі ў Віцебск, а таксама ў зваротным напрамку.

\"Поезд міжрэгіянальных ліній будзе адпраўляцца са станцыі Мінск-Пасажырскі ў 12.47 і прыбываць у Віцебск у 16.32. Госці фестывалю, якія едуць на вячэрнія канцэрты, паспеюць да іх пачатку азнаёміцца з выдатнымі мясцінамі горада на Заходняй Дзвіне і акунуцца ў фестывальную атмасферу. На гэтым жа поездзе пасажыры змогуць выехаць з Віцебска ноччу ў 01.32 і быць у Мінску раніцай у 05,27\", - адзначылі ў БЧ. У дарозе гасцям фестывалю будзе прадастаўлена магчымасць вывучыць святочную праграму \"Славянскага базару\".

Тэматыка фестывалю будзе адлюстравана і ў афармленні поезда - у вагонах будуць размешчаны святочныя плакаты, макеты з маршрутнымі ўказальнікамі. З графікам руху поезда можна азнаёміцца на сайце Беларускай чыгункі.