На другім пасяджэнні VII Усебеларускага народнага сходу дэлегаты прадставяць свае ідэі. Аб жыццёвых прыярытэтах расказала карэспандэнту БЕЛТА дэлегат УНС - настаўнік пачатковых класаў Дабрамыслінскай сярэдняй школы імя Ціхмянава Лёзненскага раёна Галіна Маршалава.

"Для мяне, як і для многіх маіх калег, суседзяў, для кожнага простага чалавека, Усебеларускі народны сход - унікальная пляцоўка, дзе чуюць голас кожнага. Гэта рэальная магчымасць саўдзельнічаць у прыняцці стратэгічных рашэнняў, якія датычацца паўсядзённага жыцця кожнага рэгіёна. Гэта і ёсць сапраўдная дэмакратыя - магчымасць для народа фарміраваць будучыню", - сказала Галіна Маршалава.

"Для мяне, як настаўніка, ключавымі з'яўляюцца пытанні дэмаграфічнай бяспекі - аснова працвітання любога грамадства. Нам патрэбны моцныя, здаровыя сем'і, шчаслівыя дзеці, якія будуць будаваць нашу Беларусь далей. Не менш важна развіццё нашых рэгіёнаў, працвітанне гарадоў і пасёлкаў, каб тут маладыя спецыялісты бачылі перспектывы для жыцця і работы. А забеспячэнне маладых сем'яў і спецыялістаў даступным жыллём стане асновай іх стабільнасці і ўпэўненасці ў заўтрашнім дні. Таксама трэба пастаяннае павышэнне якасці сацыяльнага абслугоўвання насельніцтва - гэта датычыцца і медыцыны, і падтрымкі пажылых людзей, і адукацыі, і культурнага адпачынку. Клопат пра чалавека, яго дабрабыт - гэта фундамент, на якім павінна будавацца наша краіна", - сказала Галіна Маршалава.

"БелТА"