Дань памяці ахвярам злачынства генацыду, ушанаванне іх годнасці і папярэджанне гэтага злачынства

Дань памяти жертвам преступления геноцида, чествования их достоинства и предупреждения этого преступления
Віцебскі транспартны пракурор Канстанцін Шыенок напярэдадні Міжнароднага дня памяці ахвяр злачынства генацыду, ушанавання іх годнасці і папярэджання гэтага злачынства правёў сустрэчу з навучэнцамі Аршанскага каледжа-філіяла ўстановы адукацыі «Беларускі дзяржаўны ўніверсітэт транспарту», якая праходзіла ў ваенна-гістарычным музеі імя Героя Савецкага Саюза К.С.Заслонава.

«Штогод 9 снежня мы аддаём даніну памяці ахвярам злачынства генацыду. Памятаць пра страшныя прыклады з мінулага – гэта адна з найважнейшых умоў прадухілення генацыду ў будучыні», - адзначыў Канстанцін Шыенок.


У Рэспубліцы Беларусь у 2022 годзе з мэтай захавання памяці аб мільёнах савецкіх грамадзян, якія сталі ахвярамі ў гады Вялікай Айчыннай вайны і пасляваенны перыяд, быў прыняты Закон «Аб генацыдзе беларускага народа», які накіраваны на заканадаўчае забеспячэнне абароны фундаментальных каштоўнасцей беларускага народа, устанаўленне дзейсных бар'ераў на шляху спроб фальсіфікацыі падзей і вынікаў Другой сусветнай вайны, дачы справядлівай ацэнкі злачынстваў нацысцкіх злачынцаў і іх пасобнікаў, нацыяналістычных фарміраванняў у гады Вялікай Айчыннай вайны і пасляваенны перыяд.

Віцебскі транспартны пракурор акцэнтаваў увагу, што ўжо больш за 2 гады працягваецца расследаванне крымінальнай справы па факце генацыду беларускага народа, у ходзе якога ўстанаўліваюцца новыя і новыя факты жахлівых злачынстваў нацыстаў на беларускай зямлі.

На афіцыйным сайце Генеральнай пракуратуры Рэспублікі Беларусь у раздзеле «Расследаванне крымінальнай справы аб генацыдзе» размяшчаюцца актуальныя звесткі аб ходзе расследавання, публікуюцца матэрыялы крымінальнай справы (паказанні сведак і відавочцаў, архіўныя дакументы).