Дыялог са студэнцтвам

У ВДУ імя П.М. Машэрава адбылася сустрэча студэнтаў з намеснікам начальніка аддзела пракуратуры вобласці Віталем Сузанскім.

Пракурорскі работник расказаў пра ролю пракурора ў падтрыманні дзяржаўнага абвінавачвання ў судах, прывёў шэраг актуальных прыкладаў з практычнай дзейнасці.

Таксама у рэжыме дыялогу з прысутнымі абмеркавалі асноўныя пытанні ў сферы прафілактыкі злачынстваў і правапарушэнняў у моладзевым асяроддзі, дэвіянтныя паводзіны маладых людзей, негатыўныя наступствы, адказнасць.

«Сустрэчы з навучэнскай моладдзю  - рэальная магчымасць слухаць, чуць і быць пачутым. Ведаць, чым жыве новае пакаленне, іх праблемы, хвалюючыя пытанні. Пры гэтым мы стараемся дапамагчы знайсці правільныя адказы, растлумачыць з пункту гледжання дзеючага заканадаўства, вызначыць найбольш аптымальныя шляхі вырашэння ў межах прававога поля», - перакананы Віталь Сузанскі.

Работа у дадзеным напрамку будзе працягнута.

Аддзел па наглядзе за адпаведнасцю
закону судовых рашэнняў па крымінальных справах
пракуратуры Віцебскай вобласці