Прапануюцца акцыі 137 прадпрыемстваў для абмену на чэкі «Маёмасць»

Камітэт нагадвае, што Указам Прэзідэнта Рэспублікі Беларусь прынята рашэнне аб падаўжэнні тэрміну абарачэння імянных прыватызацыйных чэкаў «Маёмасць» па 31 снежня 2030 г. Адпаведная пастанова прынята 30 мая 2025 г.

Прыватызацыйны чэк забяспечаны дзяржаўнай уласнасцю, якая падлягае бязвыплатнай перадачы грамадзянам Рэспублікі Беларусь, сведчыць аб праве яго ўладальніка на долю ў прыватызаванай дзяржаўнай уласнасці і вызначае памер гэтай долі (квоту).

Набываючы акцыі, грамадзянін становіцца акцыянерам і ў адпаведнасці з заканадаўствам мае права ўдзельнічаць у кіраванні таварыствам, атрымліваць інфармацыю аб дзейнасці прадпрыемства, а таксама прадаваць, дарыць і наследаваць акцыі.

Акцыянер можа ўдзельнічаць у сходах акцыянераў і выказваць сваю пазіцыю па пытаннях, вынесеных на абмеркаванне сходу, у тым ліку і па размеркаванні прыбытку і выплаце дывідэндаў.

У адпаведнасці з заканадаўствам акцыянернае таварыства мае права накіроўваць частку прыбытку, якая застаецца ў яго распараджэнні пасля выплаты падаткаў, іншых абавязковых плацяжоў і пакрыцця страт бягучых перыядаў, на выплату дывідэндаў акцыянерам таварыства. Рашэнне па размеркаванні прыбытку прымаецца на агульным сходзе акцыянераў.

Пры жаданні набытыя акцыі можна прадаць. Прадажа ажыццяўляецца праз ААТ «Беларуская валютна-фондавая біржа» пры пасрэдніцтве прафесійнага ўдзельніка рынка каштоўных папер, які з'яўляецца ўдзельнікам біржы.

Абмяняць належачыя грамадзянам імянныя прыватызацыйныя чэкі «Маёмасць» на дзяржаўныя акцыі магчыма ў падраздзяленнях ААТ «АСБ Беларусбанк», якія выконваюць названыя аперацыі. Там жа можна азнаёміцца са спісам акцыянерных таварыстваў, акцыі якіх прапануюцца да набыцця ў абмен на чэкі, і інфармацыяй аб гэтых таварыствах.

Спіс прыватызаваных прадпрыемстваў,
акцыі якіх абменьваюць на чэкі «Маёмасць» (https://gki.gov.by/uploads/files/Limit040526.docx).

Пошук падраздзяленняў банка, якія выконваюць аперацыі па абмене чэкаў «Маёмасць» на акцыі прыватызуемых прадпрыемстваў (https://belarusbank.by/o-banke/bank-segodnya/struktura-banka/otdeleniya/).

Інфармацыя аб выніках фінансава-гаспадарчай дзейнасці акцыянерных таварыстваў на сайце «Адзінага партала фінансавага рынку» (https://epfr.gov.by/).