Галоўнае ўпраўленне гандлю і паслуг: у 2026 годзе дэвіз Дня спажыўца – "У інтэрнэце як дома: ведай правы, купляй усвядомлена"

У Рэспубліцы Беларусь, як і ва ўсім свеце, 15 сакавіка праходзіць Дзень спажыўца.

Сусветны маштаб свята сведчыць аб значнасці механізму абароны правоў спажыўцоў у сістэме сацыяльнай і эканамічнай палітыкі любой сучаснай дзяржавы.

У Рэспубліцы Беларусь каардынацыю дзейнасці ў галіне абароны правоў спажыўцоў ажыццяўляе Міністэрства антыманапольнага рэгулявання і гандлю. Іншыя дзяржаўныя органы разглядаюць у межах сваёй кампетэнцыі пытанні, звязаныя з абаронай правоў спажыўцоў у розных сферах дзейнасці.

У рэгіёнах дзяржаўная палітыка ў галіне абароны правоў спажыўцоў рэалізуецца абласнымі, гарадскімі і раённымі выканаўчымі камітэтамі.

За 2025 год структурнымі падраздзяленнямі Віцебскага аблвыканкама, гаррайвыканкамамі разгледжана 412 зваротаў грамадзян па пытаннях абароны правоў спажыўцоў, з іх 191 (46,4%) – у сферы гандлю, 102 (24,8%) – жыллёва-камунальных паслуг, 56 (13,6%) – бытавога абслугоўвання насельніцтва.

Па выніках разгляду вынесена 7 прадпісанняў аб ліквідацыі парушэнняў заканадаўства, складзена 3 пратаколы аб адміністрацыйным правапарушэнні, вынесена 3 папярэджанні. У дасудовым парадку пакрыта матэрыяльнай шкоды на суму 14,06 тыс. рублёў.

У 2026 годзе ў дзяржавах-членах Еўразійскага эканамічнага саюза Дзень спажыўца праводзіцца пад дэвізам ”У інтэрнэце як дома: ведай правы, купляй усвядомлена“.

Тэма абумоўлена растучай папулярнасцю анлайн-пакупак і паслуг і падкрэслівае неабходнасць фарміравання добрасумленнай паводзінаў і даверу паміж спажыўцамі і суб'ектамі прадпрымальніцтва ў лічбавай прасторы.