ФСЗН: фізічным асобам, якія выплачваюць абавязковыя страхавыя ўзносы за сябе

Віцебскае абласное ўпраўленне Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь напамінае, што згодна з дзеючым заканадаўствам абавязковыя страхавыя узносы ў бюджэт фонду за 2021 год індывідуальнымі прадпрымальнікамі, натарыусамі, адвакатамі, самазанятымі грамадзянамі павінны быць выплачаны не пазней 1 сакавіка 2022 года.

Мінімальны памер узносаў пры ажыццяўленні дзейнасці ўвесь 2021 год складае:

- для ІП, натарыусаў, адвакатаў – 1 705,30 рублёў

(Мінімальная заработная плата 400 рублёў * 8 месяцаў * 35% +

+ 417,86 рублёў (праіндэксаваная МЗП за верасень) * 35% +

+ 418,14 руб (праіндэксаваная МЗП) * 3 месяцы* 35%);

- для самазанятых фізічных асоб – 1 412,96 рублёў

(Мінімальная заработная плата 400 рублёў * 8 месяцаў * 29% +

+ 417,86 рублёў (праіндэксаваная МЗП за верасень) * 29% +

+ 418,14 руб (праіндэксаваная МЗП) * 3 месяцы* 29%).

Перыяды ажыццяўлення і неажыццяўлення дзейнасці падлягаюць адлюстраванню ў дакументах персаніфікаванага ўліку – справаздачы па форме ПУ-3, прэдзельны тэрмін падачы якой у органы Фонду - не пазней 31 сакавіка 2022 года.

Форму ПУ-3 можна спампаваць па спасылцы.

Дакладны разлік сумы абавязковых страхавых узносаў, якія падлягаюць выплаце з улікам перыядаў ажыццяўлення і неажыццяўлення дзейнасці, можна правесці з дапамогай калькулятара, перайшоўшы па спасылцы.

Падрабязную інфармацыю можна атрымаць у раённых аддзелах Фонду сацыяльнай абароны насельніцтва па месцы пастаноўкі на ўлік.