Аблсельзбыт: задача аграрыяў Віцебскай вобласці – аператыўна правесці пасяўную кампанію
Як паведаміў старшыня камітэта па сельскай гаспадарцы і харчаванні аблвыканкама Сяргей Ягораў, у вясновых палявых работах будзе задзейнічана каля 6 тыс. адзінак тэхнікі, у тым ліку 1,2 тыс. – энергонасычанай. Дапамогу вяскоўцам акажуць больш за 600 механізатараў з гарадоў і райцэнтраў, звыш 270 студэнтаў і навучэнцаў профільных устаноў адукацыі. На дадзены момант на палях Віцебшчыны вядуцца ўсе віды вясновых палявых работ: ворыва, сяўба яравых збожжавых, вываз і ўнясенне арганікі, падкормка азімых. Дарэчы, пад ураджай 2021 года мінулай восенню было пасеяна 212 тыс. га збожжавых і 65 тыс. га крыжакветных. Спецыялісты ацэньваюць перазімоўку як добрую.
Цяпер трэба пасеяць 152 тыс. га збожжавых і зернебабовых, 35 тыс. га рапсу, 12 тыс. га лёну, 100 тыс. га кукурузы (20 тыс. га традыцыйна на збожжа). Гаспадаркі на 100% забяспечаны насеннем збожжавых і зернебабовых. Для аказання практычнай дапамогі сельгаспрадпрыемствам і кантролю тэхналагічных працэсаў створаны групы спецыялістаў. Механізатары чакаюць пачатку масавай сяўбы. Гэта добрая магчымасць зарабіць, а пры перавыкананні нормы выпрацоўкі кожны гектар аплачваецца ў падвойным памеры.