Аблздароўе: два дадатковыя пункты вакцынацыі адкрыюцца ў Наваполацку
Аналагічныя пункты жадаючыя прышчапіцца ад каранавіруса могуць наведаць і ў Полацку. Там іх можна знайсці на чыгуначным вакзале і ў пяці бібліятэках, размешчаных у кожным з жылых мікрараёнаў горада. Тры прышчэпачныя пункты дзейнічаюць у Оршы і два - у Віцебску. У абласным цэнтры яны размешчаны ў гандлёвых цэнтрах "Трыё" і "Марка-Сіці". У аблздраве адзначылі, што пры неабходнасці ў Віцебску адкрыюць дадатковыя кропкі для вакцынацыі, а пакуль у наяўных няма чэргаў, і атрымаць прышчэпку можна ў любы зручны час, для гэтага трэба мець пры сабе пашпарт.
Прышчапіцца ад COVID-19 могуць і замежныя грамадзяне, але на платнай аснове. Для іх у вобласці арганізаваны 8 пунктаў вакцынацыі: у Віцебску, Оршы, Полацку, Наваполацку, Лепелі, Браславе, Верхнядзвінску, Глыбокім. Запісацца на вакцынацыю можна праз інтэрнэт або звярнуўшыся асабіста ў цэнтральныя раённыя бальніцы (ЦРБ) дадзеных населеных пунктаў.
Акрамя стацыянарных пунктаў вакцынацыі ў Віцебскай вобласці працуюць каля 50 мабільных брыгад: па адной у кожнай з 18 ЦРБ, па 5 у Оршы і Наваполацку, 4 у Полацку і 16 у Віцебску. Штодня медыкі ў складзе выязных груп вакцынуюць на даму грамадзян нерухомай катэгорыі - інвалідаў I і II груп. Па запыце яны выязджаюць на прадпрыемствы і ў арганізацыі вобласці, ва ўстановы адукацыі, калі там неабходна правесці вакцынацыю калектыўна. За апошні тыдзень медыкі вобласці пабывалі на буйных прадпрыемствах гарадоў і райцэнтраў, ва ўстановах адукацыі, культуры, спорту, а таксама ў тэрытарыяльных падраздзяленнях прадпрыемстваў цепла- і электразабеспячэння, выканкамах усіх узроўняў. У распараджэнні спецыялістаў мабільных брыгад маюцца ўсе даступныя вакцыны расійскай і кітайскай вытворчасці.