У Віцебскай вобласці плошчы пад азімую рапс на корм трэба павялічыць у 2 разы - Мікалай Шарснёў
У Віцебскай вобласці засталося сабраць збожжавыя на 319 тыс. га. Жніво ідзе са значным апярэджаннем, і рэгіён займае другую пазіцыю ў рэспубліцы, саступаючы толькі Брэстчыне. Сёлета ў вобласці плануюць на 2-3 тыдні раней завяршыць асенне-зімовы перыяд. "Пасля заканчэння жніва трэба адразу перайсці да ўзворвання, унясення арганікі і пасеву азімай рапсу. Як раз гэты рэзерв у 2-3 тыдні трэба выкарыстоўваць для закладкі ўраджаю 2022 года і зрабіць акцэнт на пасеве крыжакветных і азімых культур. Даведзены план на наступны год па азімай рапсу складае 22 тыс. га, але для стварэння кармавой падушкі бяспекі мы павінны павялічыць пасяўныя плошчы пад яе да 50 тыс. га. Раёнам трэба задзейнічаць кінутыя землі, якія выкарыстоўваюцца пад пашу і іншыя. Жывёлагадоўчым комплексам няма сэнсу ўваходзіць у зімоўку з тым пагалоўем жывёлы, якое ў іх ёсць, калі ў іх няма дастатковай колькасці кармоў. Сёлета праверым, у якіх гаспадарках могуць забяспечыць КРС кармамі для дастатковага прывасу. І калі дзесьці знойдзем дысбаланс, то будзем канфіскоўваць жывёлу, размяркоўваць на тыя комплексы, якія могуць гарантаваць належны догляд за ёй. Не трэба трымацца за пагалоўе і мучыць кароў, трэба пакінуць тую колькасць, якую гаспадарка можа забяспечыць тым аб'ёмам кармоў, які ў яе ёсць", - паставіў задачу перад старшынямі райвыканкамаў Мікалай Шарстнёў.
Старшыня камітэта па сельскай гаспадарцы і харчаванні аблвыканкама Сяргей Ягораў адзначыў, што ў сярэднім да заканчэння астрады ў Віцебскай вобласці неабходна яшчэ 10 дзён. "На 9 жніўня ўборку збожжавых завяршылі 7 сельскагаспадарчых арганізацый. Асноўная частка гаспадарак знаходзіцца на экватары жніва. Цяпер трэба закрываць дзяржзаказ. Шаркаўшчынскі раён цалкам выканаў дзяржзаказ па здачы збожжа, і ёсць некалькі раёнаў, якія набліжаюцца да стопрацэнтнага плана, - Полацкі, Докшыцкі і іншыя", - падкрэсліў ён.
Сяргей Ягораў дадаў, што гаспадаркі вобласці цалкам забяспечаны палівам за кошт абласнога бюджэту, таму неабходна выканаць дзяржзаказ у першую чаргу. Таксама трэба актывізаваць уборку яравога рапсу, які будуць пастаўляць на Віцебскі маслаэкстракцыйны завод і Мінскі маргарынавы завод. "Кіраўнікі гаспадарак павінны разумець, што пасля здачы належнага аб'ёму рапсу ў іх будуць сродкі на заработную плату і набыццё запчастак для сельгасмашын", - сказаў старшыня аблсельгасхарча.
Мікалай Шарстнёў таксама паставіў задачу павялічыць агульную плошчу пасяўных земляў, каб у будучым годзе сабраць 1,5 млн т збожжа. "У Віцебскай вобласці сельская гаспадарка працуе пастаянна ў напружаным рэжыме: то залье, то засушыць. Ураджайнасцю мы не возьмем, таму трэба браць аб'ёмамі пасяўных плошчаў. Цяпер ураджай збіраем з 300 тыс. га земляў, а трэба давесці хаця б да 400 тыс. га. Вось тады мы зможам сабраць паўтара мільёна тон збожжа, каб і выканаць дзяржзаказ, і сябе забяспечыць насеннай і кармавой базай", - падкрэсліў кіраўнік вобласці.
Таксама на селектарнай нарадзе разгледзелі пытанні ўборкі саломы, ворыва, сяўбы азімых, перавозкі і ўнясення арганікі. Мікалай Шарстнёў паставіў задачу актывізаваць працу і максімальна загрузіць тэхніку, завяршыць жніво і прыступіць да закладкі ўраджаю будучага года.