Выніковая сесія абласнога Савета дэпутатаў праходзіць у Віцебску
На ёй падведзены вынікі сацыяльна-эканамічнага развіцця вобласці і абазначаны задачы, якія трэба вырашыць у бліжэйшай перспектыве.
Па словах старшыні аблвыканкама Аляксандра Субоціна, мінулая пяцігодка была часам кардынальных змен знешнеэканамічнага становішча, фарміравання новай глабальнай рэальнасці. Прадпрыемствам даводзілася шукаць альтэрнатыўныя шляхі: ад паставак сыравіны да маркетынгавай стратэгіі, дамаўляцца з новымі партнёрамі, выбудоўваць новую лагістыку, аптымізаваць задачы, каб захаваць канкурэнтаздольнасць як на знешнім, так і на ўнутраным рынку.
- Вобласць завяршае 2025 год з станоўчай дынамікай у будаўнічай і транспартнай галінах, рознічным гандлі і грамадскім харчаванні, экспарце паслуг, - адзначыў Аляксандр Субоцін. - У бягучым годзе выкананы ключавыя паказчыкі задач па заработнай плаце, сукупных даходах бюджэту, інвестыцыях, уводзе жылля і вытворчасці імпартазамяшчальнай прадукцыі.
Дэпутаты таксама разгледзяць абласны бюджэт на 2026 год, зацвердзяць інвестыцыйную праграму вобласці на 2026 год.