Кадравы дзень: Мікалай Шэрстнёў узгадніў прызначэнні кіраўнікоў полацкага і глубокскага аграпрамысловых аб'яднанняў

Нагадаем, што трансфармаванне ў АПК, да якога Віцебшчына ішла планамерна і паэтапна, накіравана на павышэнне ўзроўню сельгасвытворчасці. Гэта напрамую звязана са ростам дабрабыту вяскоўцаў, а значыць і з замацаваннем кадраў на вёсцы. Гэтая канцэпцыя знайшла адлюстраванне ва Указе Прэзідэнта №70 «Аб развіцці аграпрамысловага комплексу Віцебскай вобласці», у адпаведнасці з якім у рэгіёне функцыянуюць 7 аграпрамысловых аб'яднанняў. Гэта камбінаты і заводы з найбольшай канцэнтрацыяй выручкі і завершаным цыклам вытворчасці: ад поля да прылаўка. Кожны з іх нацэлены на нарошчванне аб'ёмаў сельскагаспадарчай прадукцыі, каб у выніку цалкам загрузіць вытворчыя магутнасці перапрацоўваючых прадпрыемстваў. Таму не выпадкова на даручаемыя новым аграменеджарам участкі працы кіраўнік вобласці глядзіць перш за ўсё праз прызму эканамічнай аддачы. Мікалай Шарснёў перакананы: сёння на перадавой патрэбны пісьменныя і дальнабачныя кіраўнікі, якія здольны мысліць стратэгічна і паказваць годныя вынікі. За час функцыянавання аграпрамысловых аб'яднанняў старшыня аблвыканкама асабіста азнаёміўся са становішчам спраў у кожным з іх, аб'ектыўна ацаніў і ўзровень кампетэнцыі, навыкі гаспадарання кіраўніцкага складу сельскагаспадарчых фарміраванняў. Адсюль — кадравыя пераўтварэнні.

Адгэтуль новы кіраўніцкі партфель у дырэктара Глубокскага мясакамбіната Валерыя Лаппо. Ён зойме пост кіраўніка глубокскага аграпрамысловага аб'яднання, створанага на базе мясцовага малочнакансервавага камбіната. Яго папярэднік Васіль Чараднік узначаліць адно з найбуйнейшых сельгаспрадпрыемстваў рэгіёну «Рудакова».

Кадравыя змены закранулі таксама буйныя

организацый Палачаншчыны. Васіль Хамянок – кіраўнік аграпрамысловага аб'яднання, якое функцыянуе на базе Полацкага малочнага камбіната, вернецца на ранейшую пасаду дырэктара мясцовага КХП. Адпаведна яго крэсла зойме першы намеснік генеральнага дырэктара Віцебскага мясакамбіната Уладзімір Сафронаў.

У ліку ключавых задач для кіраўнікоў, агучаных Мікалаем Шарстнёвым, — за бліжэйшую пяцігодку надаць эканоміцы ўзначаленых арганізацый сур'ёзны імпульс. Дырэктарскі корпус нацэліваюць: давераныя ім прадпрыемствы важна зрабіць эталонам вядзення сельгасвытворчасці — рэзервы для ўмацавання пазіцый як у раслінаводстве, так і ў жывёлагадоўлі ёсць. Выконваць трэба тэхналагічную дысцыпліну і цвяроза ацэньваць неабходнасць рэалізацыі на месцах ініцыятыў, акуратна ставячы іх на шалі эканомікі — тады поспех заканамерны, рэзюмаваў старшыня аблвыканкама. Неабгрунтаваныя эксперыменты, а тым больш памылкі і промахі, недапушчальныя.

Вольга БУЛАЎКА,
галоўны спецыяліст
галоўнага ўпраўлення ідэалагічнай работы
і па справах моладзі
Віцебскага аблвыканкама.