Кадравы дзень: узгоджаны новы намеснік старшыні Віцебскага райвыканкама, кіраўнікі ў аграпрамысловым сектары і сферы ЖКГ

Сумоўе аб прыёме на новую працу – справа хвалюючая. Яшчэ больш адказная, калі ўзгадненне на новую пасаду і працяг кантрактаў цяперашнім кіраўнікам праводзіць асабіста старшыня аблвыканкама Мікалай Шарснёў. Навыкі, выканаўчая дысцыпліна, ініцыятыва — вось што цікавіла кіраўніка вобласці пры прыняцці кадравых рашэнняў. Аб'ектыўная і прагматычная ацэнка ўзроўню кампетэнцыі кандыдатаў стала асноўным крытэрыем выбару новых кіраўнікоў. Іх Мікалай Мікалаевіч арыентаваў на вырашэнне практычных праблем насуперак разважанням аб рэфармаванні прадпрыемстваў і галін. У першую чаргу гэтая размова закранула працу жыллёва-камунальнай службы.

Свежага погляду на адну з асноўных галін народнай гаспадаркі чакаюць ад новага намеснік старшыні Віцебскага райвыканкама па будаўніцтве і ЖКГ Аляксея Героева, для якога гэта прыступка ўверх па кар'ернай лесвіцы з пазіцыі галоўнага інжынера УКВП «Віцебскае гарадское жыллёва-камунальнае гаспадарка». Ён разумее: гэтая сфера з'яўляецца жыццезабяспечвальнай, і любыя негатыўныя факты ў працы адразу ж становяцца вядомымі, прыцягваюць да сябе ўвагу грамадства. Бо як паказвае статыстыка, падчас «прамых тэлефонных ліній» і прыёмаў грамадзян, якія праводзяцца прадстаўнікамі ўлады, узнікае нямала нараканняў і пытанняў у гэтай галіне. На іх звядзенне да мінімуму і падняцце планкі якасці жыцця людзей нацэліў старшыня аблвыканкама.

— У перспектыве паслядоўнае аб'яднанне камунальных і бытавых службаў абласнога цэнтра і Віцебскага раёна сябе апраўдае, — упэўнены Мікалай Шарснёў. — Утвораная такім шляхам структура, акумулюючы ўсе неабходныя рэсурсы, дазволіла б выконваць працу ў горадзе, прылеглых да яго зонах і на падведамных аб'ектах. Пры гэтым у

на найбольш аддаленых ад паўночнай сталіцы пасёлкаў, напрыклад, у Суражы, можна разгледзець магчымасць стварэння самастойнага ўчастка са сваім тэхнічным аснашчэннем, што станоўча паўплывае на імідж населенага пункта, дазволіць стварыць дадатковыя працоўныя месцы, скараціць вытворчыя затраты.

Пра тое, што почырк работы жыллёва-камунальнай службы павінен быць бачны, пачынаючы з добраўпарадкавання да аказання якасных паслуг насельніцтву, не па чутках ведае дырэктар Верхнядзвінскага дзяржаўнага раённага унітарнага прадпрыемства ЖКГ Сяргей Жукаў. Да гэтага прызначэння ён працаваў галоўным інжынерам Наваполацкага КУП ЖРЭА, якое ўжо некалькі гадоў запар займае прызавыя месцы ў гарадскім конкурсе на лепшую арганізацыю работы па ахове працы. І ў гэтым нямала заслуга Сяргея Міхайлавіча, які ўдастоены ганаровага звання «Чалавек года Віцебшчыны-2016». На новай пасадзе трэба будзе нямала папрацаваць, бо ў наступным годзе Верхнядзвінск стане сталіцай абласных «Дажынак». Да ўрачыстасці тут неабходна выканаць значны аб'ём работ па рамонце, рэканструкцыі, будаўніцтве і добраўпарадкаванні аб'ектаў. Кіраўнік вобласці перакананы: загадзя выпрацоўка алгарытму дзеянняў усіх абласных і раённых структур і ведамстваў у гэтым напрамку вельмі карысная і эфектыўная. Гэта дае магчымасць спакойна ацаніць сітуацыю на аб'ектах, вызначыць асноўныя задачы. Многія разумеюць: для рэгіёна — гэта своеасаблівы экзамен, бо зробленае застаецца людзям на гады. Безумоўна, рэалізацыя шматпланавых задач патрабуе нямалых матэрыяльных затрат. Таму да пытанняў фінансавання варта падыходзіць рацыянальна. Неўзабаве Верхнядзвінск прыме эстафету добраўпарадкавання, а пакуль да фінішнай рысы падыходзяць работы з «амаладжальным» эфектам у Дубровне.

Дажыначную тэму працягнуў дырэктар УП ЖКГ «Дубровно-Камунальнік» Раман Саможанаў, які прайшоў працэдуру узгаднення падаўжэння кантракту. Старшыня аблвыканкама пацікавіўся ходам гатоўнасці райцэнтра да сустрэчы прыдзвінскіх хлебаробаў і гасцей галоўнага сельскагаспадарчага форуму вобласці. Раман Леанідавіч запэўніў: да 1 вераснябудуць завершаны ўсе аб'екты жилфонду, плошчы, вуліцы.

Узгадняючы Дзяніса Душанкова на пасаду дырэктара ААТ «Нурава» (Верхнядзвінскі раён), Мікалай Шарстнёў звярнуў увагу на неабходнасць перагляду на прадпрыемстве падыходаў у севазвароце. Рабіць стаўку трэба і на безумоўнае захаванне тэхналогіі ў АПК — у такой формуле закладзены будучы поспех вёскі, што, вядома, пойдзе на карысць не толькі раёну, але і ўсёй вобласці.

— Сельгаспрадпрыемству важна выконваць усе этапы: ад падрыхтоўкі глебы да закладкі культуры і да яе ўборкі ў аптымальныя агратэхнічныя тэрміны. Мы павінны арыентавацца на еўрапейскія паказчыкі: пры пісьменным падыходзе да справы за мяжой дэманструюць важкія намалоты. У нас умовы не горшыя. З гектара трэба ўзяць максімум. Калі працаваць па-старынцы, жаданага выніку не будзе, — адзначыў Мікалай Мікалаевіч.

Неабходна кардынальна мяняць схему работы ў ААТ «Залатая падкоўка» (Глыбоцкі раён). Аляксандр Стукан, які ўзначальвае гэта прадпрыемства больш за 4 гады, добра знаёмы з контурам праблем: падзенне сярэднесутачных прыростаў, зніжэнне выхаду прадукцыі раслінаводства з гектара раллі. У гэтых пытаннях буксуюць тэхналагічныя звяны. У ідэале структура пасяўных плошчаў павінна зводзіцца да таго, каб пад пасеў збожжавых культур папярэднікамі былі канюшына, рапс, зернебабовыя, аднагадовыя травы, лён, падкрэсліў Мікалай Шарстнёў.

Галоўны постулат кадравага дня прагучаў: усім назначаным трэба вывесці эканоміку даручаных ім прадпрыемстваў на траекторыю росту, прычым прагрэс павінен быць заўважны. Новыя кіраўнікі атрымалі ад Мікалая Мікалаевіча карт-бланш на правядзенне ўласнай палітыкі на месцах з улікам атрыманых рэкамендацый. А наколькі яна акажацца выніковай, пакажа час.

Вольга БУЛАВА,
галоўны спецыяліст
галоўнага ўпраўлення ідэалагічнай работы,
культуры і па справах моладзі
Віцебскага аблвыканкама.