Кадравы дзень: узгоднены прызначэнні першага намесніка старшыні Талачынскага райвыканкама, кіраўніка «Коханава-ЖКГ»

Дысцыпліна, дакладнае і своечасовае выкананне ўсіх даручэнняў — арыенцір для новага і цяпер дзеючага складу мэнэджараў Віцебшчыны. Таму праведзены старшынёй аблвыканкама Мікалаем Шарсцянёвым кадравы дзень з першых хвілін перарос у максімальна адкрытае і канкрэтнае абмеркаванне профільных пытанняў.

Дамінуючая тэма гутаркі кіраўніка вобласці з узгодненым на пасаду першага намесніка старшыні Талачынскага раёна Мікалая Сцежкіна — эфектыўная і прыбытковая праца АПК. Аграрныя веды кіраўніка, які за 13 гадоў прайшоў працоўны шлях ад тэхніка-электрыка да дырэктара прадпрыемства «Выдрэя» Віцебскага аддзялення Беларускай чыгункі, сталі мацнейшымі. На новым працоўным месцы яго настаўляюць арганізаваць усе сельскагаспадарчыя працэсы на высокім узроўні, паколькі рэальныя эканамічныя паказчыкі некаторых арганізацый ніжэйшыя за магчымыя. Талачынскі раён, на думку старшыні камітэта па сельскай гаспадарцы і харчаванні аблвыканкама Міхаіла Прыдыбайлы, – адна з жытніц вобласці і па ўрадлівасці глебаў нічым не саступае Аршанскаму. У разрэзе раслінаводчага вектара Мікалая Сцежкіна нацэліваюць на павышэнне культуры земляробства, атрыманне валавога збору збожжавых не менш за 100 тысяч тон. Сумленна трэба ўзяцца і за жывёлагадоўчы блок, у прыватнасці, надаючы асаблівую ўвагу павелічэнню вытворчасці малака і паляпшэнню яго якасных характарыстык. Унісон з гэтым абазначаная Мікалаем Шарсцянёвым неабходнасць узвядзення ў раёне новага малочна-таварнага комплексу, што ў выніку дазволіць максімальна загрузіць магутнасці перапрацоўчых прадпрыемстваў і тым самым прырасці па даходах.

Аднак мала пабудаваць годны жывёлагадоўчы аб'ект, трэба яго ўкамплектаваць высокапрадуктыўным статкам, захоўваць тэхналогіі яго ўтрымання, арганізаваць працу па прайграванні жывёл. Такі расклад дзеянняў для запрошанага на гутарку пры прызначэнні дырэктарам прадпрыемства «Выдрэя» Кірыла Пруднікава, а таксама для кіраўнікоў гаспадарак, якім узгоднена падаўжэнне кантракту: «Друйскі» і «Агравідзы» (Браслаўскі раён) Аляксандра Белюна і Уладзіміра Залатухі,«Мярэцкія» (Глыбоцкі раён) Аляксандра Логінава, «Прыдзвінскі» (Шумілінскі раён) Уладзіміра Дзятлава. У малочным жывёлагадоўлі — строга выконваць простыя правілы: своечасова падсціліць салому, накарміць, даіць — вынік гарантаваны.

— У тых арганізацый, дзе не здольны наладзіць такую працу і востра стаіць пытанне недахопу матэрыяльных і працоўных рэсурсаў, правесці адпаведную інвентарызацыю і пераразмеркаваць жывёлу ў межах інтэграцыйных структур на сучасныя фермы — вольныя жывёла месцы ёсць. Тады будуць і прывагі, і валавая прадукцыя, — даў даручэнне кіраўніцтву Віцебскага канцэрна «Мяса-малочныя прадукты» Мікалай Шарснёў.

Няма сумненняў у тым, што для сельгаспрадпрыемстваў малако — гэта лакаматыў, які цягне за сабой усё астатняе: будаўніцтва ферм, вытворчасць кармоў для жывёлы, а значыць, апрацоўку земляў, выкарыстанне угнаенняў, сродкаў абароны раслін, тэхнічнае аснашчэнне. Менавіта на гэтыя постулаты, дакладваючы пра стан спраў на сваіх участках працы, звярталі ўвагу кіраўнікі. Частата ўжывання імі фразы «дзякуючы інтэграцыйным структурам» чарговы раз падкрэсліла правільнасць выбранай вобласцю стратэгіі па стварэнні такіх буйных фарміраванняў. У дэталізацыі матываваныя часам крокі выглядаюць так: дапамога падапечным гаспадаркам у аптымальныя агратэхнічныя тэрміны правесці вясеннія палявыя работы, апрацаваць пасевы, сабраць ураджай, нарыхтаваць кармы. І ўсё гэта з прыстаўкай — «на сучаснай высокапрадукцыйнай тэхніцы».

Для выніку трэба выразна ведаць прыярытэты развіцця, інакш рэсурсы патрацяцца марна, што можа прывесці да эканамічнага і фінансавага тупіка. Кіраўнікоў заклікаюць змяніць стыль кіравання, але не ў бок утриманскіх настрояў, што часам памылкова «прымяраюць» асобныя прадстаўнікі аграрнага сектара: за кошт падтрымкі галаўных прадпрыемстваў бяздзейнічаюць, чакаючы новага фінансавага ўлівання. Гэта робіць арганізацыі інертнымі, работнікаў — безыніцыятыўнымі. Такога дапускаць нельга, сказаў кіраўнік вобласці, нагадваючы пра формулу паспяховага кіраўніка: кіруй матывуючы. Людзі ведаюць, што калі выканаць працу тэхналагічна і

якасна — будуць добрыя грашовыя бонусы па новай сістэме аплаты працы. Да гэтай тэмы Мікалай Мікалаевіч вымушаны звяртацца зноў — аказваецца не проста некаторым гаспадаркам перабудавацца і ўстаць на новыя вытворчыя рэйкі.

Сельскагаспадарчы вектар кадравага дня змяніў жыллёва-камунальны. Ад новага ўзгодненага на пасадудырэктара Коханаўскага УПП ЖКГ «Коханава-ЖКГ» Талачынскага раёна Алега Вакунова старшыня аблвыканкама чакае якаснай працы. Большасць пытанняў, прычым пераважна дробных, з якімі насельніцтва звяртаецца да кіраўніцтва раёна, вобласці, датычыцца дадзенай сферы. Іх неабходна сістэматызаваць і паслядоўна вырашаць.

Адрасаваны дырэктарскаму корпусу мэсідж у спалучэнні з пажаданнямі працоўных поспехаў прагучаў: у працы патрэбны перамены, але без неабдуманых надломаў.

Вольга БУЛАВКА,
галоўны спецыяліст
галоўнага ўпраўлення
ідэалагічнай работы
і па справах моладзі
Віцебскага аблвыканкама.