Кадравы дзень: узгоднены прызначэнні кіраўнікоў адміністрацыі Кастрычніцкага раёна Віцебска, дырэктараў арганізацый ЖКГ і АПК
Працоўны тыдзень у аблвыканкаме пачаўся з прыняцця кадравых рашэнняў. Першы намеснік старшыні Віцебскага аблвыканкама Алег Мацкевіч узгадніў новыя прызначэнні, важныя для развіцця горада Віцебска і вобласці ў цэлым. Гаворка – аб адміністрацыі Кастрычніцкага раёна абласнога цэнтра, дзе цяпер два новыя твары: першы намеснік кіраўніка адміністрацыі Аляксандр Ціханаў і намеснік кіраўніка Павел Шыкшнян.
Аляксандра Ціханава добра ведаюць у колах дзелавой супольнасці вобласці – больш за дзесяць гадоў ён працаваў намеснікам начальніка ўпраўлення інвестыцыйнай палітыкі і знешнеэканамічных сувязяў, начальнікам упраўлення знешнеэканамічнай дзейнасці камітэта эканомікі Віцебскага аблвыканкама. Эканамічны напрамак для раёна, які па праву лічыцца сэрцам Віцебска, цяпер яго сфера адказнасці. Алег Мацкевіч звярнуў увагу на тое, што адміністрацыі раёна неабходна больш актыўна кантактаваць з прадпрыемствамі рэспубліканскага падпарадкавання, а таксама прыватнай формы ўласнасці. Яны – важныя крыніцы папаўнення дзяржаўнага бюджэту, мясцовая ўлада павінна праяўляць больш ініцыятывы ў партнёрскіх адносінах.
Павел Шыкшнян апошнія чатыры гады кіраваў аддзелам жыллёва-камунальнай гаспадаркі Віцебскага гарвыканкама. Гэты ж напрамак цяпер будзе курыраваць у Кастрычніцкім раёне горада Віцебска. Алег Сяргеевіч напусціў кіраўніка: спыняць заганавую практыку адпісак у вырашэнні жыллёва-гаспадарчых пытанняў грамадзян. У раёне ёсць прадпрыемствы камунальнага профілю – яны павінны быць нацэлены на развіццё ўласных вытворчасцей, якія ім прынясуць прыбытак. Таксама ў арсенале пастаўленых задач – наладзіць сістэмную працу з таварыствамі ўласнікаў (іх у раёне 72). Людзі павінны атрымліваць якасныя паслугі і адміністрацыя мае права запатрабаваць гэта ад таварыстваў.
Уладзіслаў Мужычэнка узгоднены на пасаду галоўнага ўрача Віцебскага абласнога клінічнага цэнтра медыцынскай рэабілітацыі для інвалідаў і ветэранаў баявых дзеянняў на тэрыторыі іншых дзяржаў. З 2005 года ён узначальваў Віцебскую абласную арганізацыю Беларускага прафсаюза работнікаў аховы здароўя. Галоўная задача, якую будзе вырашаць галоўны ўрач установы ў гэтым годзе – завяршэнне будаўніцтва і ўвод у эксплуатацыю новага корпуса цэнтра.
Дырэктарам УП ЖКГ Ушацкага раёна ўзгодненыАндрэй Сідзюк, які раней працаваў намеснікам дырэктара гэтага прадпрыемства. Дырэктарам СХУП ”Лаўжанскае“ Шумілінскага раёна – Анатоль Зянькоў. Прадстаўляючы дадзеную кандыдатуру намеснік генеральнага дырэктара ААТ ”Віцебскі мясакамбінат“ Андрэй Булаўкін адзначыў, што А.Зянькоў з кастрычніка мінулага года выконваў абавязкі дырэктара гэтага прадпрыемства і ў яго было час асвоіцца і выпрацаваць стратэгію далейшага развіцця: неабходна падцягнуць паказчыкі ў жывёлагадоўлі, пісьменна вырашаць пытанні па узнаўленні статка. Кіраўніцтва аблвыканкама нацэліла кіраўніка на эфектыўную працу па своечасовай выплаце заработнай платы работнікам гаспадаркі.
Працэдуру ўзгаднення падаўжэння кантрактаў прайшлі дырэктары КУСХП ”Мішневічы“ Шумілінскага раёна Міхаіл Цікавенка, ААТ ”Туркова“ Мёрскага раёна Іван Юрашак, ААТ ”Глыбоцкі аграсэрвіс“ Андрэй Мурашка, ААТ ”Нурава“ Верхнядзвінскага раёна Уладзімір Фесін, генеральны дырэктар ААТ ”Пастаўскі малочны завод“ Канстанцін Гайлеўскі. Там, дзе намяцілася станоўчая дынаміка, важна яе замацаваць і працягнуць новымі самастойнымі ініцыятывамі. Напрыклад, ”Туркова“ неабходна ўмацаваць пастаўкамі новай тэхнікі, на Глыбоцкім аграсэрвісе працягнуць нарошчваць паказчыкі выручкі ад рэалізацыі прадукцыі, рэнтабельнасці продажаў. Пастаўскі малочны завод – па сутнасці, гэта аграпрамысловае аб'яднанне, якое ўключае пяць сельгас арганізацый раёна. На заводзе пастаянна ўдасканальваюцца тэхналогіі, закупляецца новае абсталяванне. Для далейшага развіцця неабходна пашыраць сыравінную зону.
Пастаўленыя на кадравым дні перад кіраўнікамі задачы павінны вырашацца аператыўна і пісьменна з улікам інтарэсаў людзей.
Святлана Дзядзінкіна,
галоўны спецыяліст
галоўнага ўпраўлення ідэалагічнай работы
і па справах моладзі аблвыканкама.