Кадравы дзень у старшыні: разлік на максімальны эфект

Нядаўна на нарадзе ў старшыні аблвыканкама Мікалая Шарстнёва дэталёва абмяркоўвалася становішча спраў у сельскай гаспадарцы Лепельскага раёна. Адмоўная дынаміка ў эканоміцы аграрыяў Лепельшчыны выклікала крытыку ў адрас кіраўніцтва райвыканкама і як вынік - змену першага намесніка старшыні райвыканкама – начальніка ўпраўлення сельскай гаспадаркі і харчавання. На мінулым тыдні на гэту пасаду прызначаны малады, але ўжо які зарэкамендаваў сябе кіраўнік Міхаіл Кісялевіч. Да гэтага прызначэння Кісялевіч тры гады ўзначальваў Лепельскую сартавыпрабавальную станцыю.

Старшыню аблвыканкама пры узгадненні дадзенай кандыдатуры на адказную пасаду цікавілі вынікі досведаў, атрыманыя на сартавыпрабавальных участках. Наколькі перспектыўны той ці іншы сорт айчыннай селекцыі прымяняльна да глебава-кліматычных умоў Віцебшчыны? Чаму імпартныя сарты аказваюцца на парадак эфектыўней? У напярэдадні вясенніх палявых работ устаноўка павінна быць зроблена на сарты, якія здольны даць магсімальную ўраджайнасць. Для атрымання аптымальнага выніку неабходна граматна арганізаваць севазварот культур і строга выконваць тэхналогію. Парушэнні тэрмінаў сяўбы і тэхналогіі вырошчвання азімага рапсу, напрыклад, прыводзяць да таго, што расліны губляюць свой запас трываласці і гінуць.

- У нашых умовах менавіта пасевы яравога рапсу здольны даць гаспадаркам вялікую эфектыўнасць, - лічыць Мікалай Шарстнёў. Перад Міхаілам Кісялевічам старшыня паставіў задачу: дасягненні сартавыпрабавальнай станцыі павінны быць уведзены ў аграрную вытворчасць Лепельскага раёна. Усё самае лепшае, паказальнае прымяніць на практыцы ў гаспадарках рэгіёна.

Новыя дырэктары і ў двух сельгаспрадпрыемствах Міёрскага раёна. Толькі вось калі вытворчасць у ААТ «Туркава» радуе сваёй пазітыўнай дынамікай, то КУП «Язна» - наадварот – горш няма куды…

Іван Юрашек да прызначэння дырэктарам у ААТ «Туркава» працаваў начальнікам раённай інспекцыі па насенняводстве, корань і ахове раслін. Яму даверылі працягнуць традыцыі аднаго з лепшых гаспадарак

раёна. Дакладней сказаць – прымножыць дасягнуты вынік. Умовы для гэтага ёсць. Таму сярэдні надой малака ад каровы трэба падняць з 5600 кг да 7000 і больш кг. Прадпрыемства павінна стаць «маяком» для аграрыяў рэгіёна.

У дырэктара КУП «Язна» Станіслава Багдановіча часу на разварушванне няма. Каб спыніць эканамічнае падзенне і выйсці на станоўчую дынаміку, яму дадзена ўсяго два месяцы. Патрабаванні жорсткія, але калі пагадзіўся быць кіраўніком, выкарыстоўвай гэты шанец споўна.

Коп'і крытыкі былі накіраваны і ў адрас дырэктара УСХП «Смальяны» Аршанскага раёна Валерыя Савіцкага.

- Вы трэці год працуеце дырэктарам і нічога не робіце, каб павялічыць надоі малака! – адзначыў першы намеснік старшыні камітэта па сельскай гаспадарцы і харчаванні Уладзімір Машэра, які і раней указваў на неэфектыўную працу прадпрыемства і паабяцаў у бліжэйшы час наведаць «Смальяны».

Памочнік Прэзідэнта Рэспублікі Беларусь – галоўны інспектар па Віцебскай вобласці Аляксандр Пазняк прапанаваў працягнуць кантракт Валерыю Савіцкаму з фармулёўкай «умоўна». Час пакажа, ці зможа кіраўнік справіцца са сваімі абавязкамі і накіраваць эканоміку гаспадаркі ў пазітыўнае рэчышча.

Святлана ДЗЕДЗИНКІНА, галоўны спецыяліст галоўнага ўпраўлення ідэалагічнай работы, культуры і па справах моладзі аблвыканкама.