Калектыў пракуратуры Віцебскай вобласці з 70-годдзем павіншаваў ветэрана органаў пракуратуры Валерыя Яфімавіча Галая

Нарадзіўся Валерый Яфімавіч у вёсцы Заружэнне Лепельскага раёна Віцебскай вобласці. Пасля заканчэння ў 1969 годзе сярэдняй школы працаваў слесарам на Лепельскім рамонтным заводзе, затым служыў у арміі. Пасля дэмабілізацыі працаваў інструктарам Лепельскага раённага камітэта ДТСААФ. Пасля скончыў у 1978 годзе Харкаўскі юрыдычны інстытут і па размеркаванні накіраваны на працу ў органы пракуратуры Віцебскай вобласці.

32 гады Валерый Яфімавіч аддаў служэнню Закону. Сваю працоўную дзейнасць пачаў стажорам пракуратуры Сенненскага раёна, затым следчым пракуратуры Сенненскага раёна, у 1986 годзе пераведзены ў апарат пракуратуры вобласці, дзе працаваў старшым следчым пракуратуры вобласці, пракурорам следчай часці пракуратуры, старэйшым пракурорам аддзела па наглядзе за следствам у органах пракуратуры, органах унутраных спраў і дазнанні, старэйшым пракурорам аддзела па наглядзе за следствам у органах пракуратуры, на працягу 10 гадоў і да выхаду ў адстаўку - старэйшым памочнікам пракурора вобласці па наглядзе за выкананнем заканадаўства аб дзяржаўнай бяспецы.

Валодаючы неабходнымі тэарэтычнымі ведамі і практычным вопытам для ажыццяўлення пракурорскай дзейнасці, Валерый Яфімавіч годна выконваў свой службовы абавязак. У вырашэнні службовых пытанняў праяўляў патрабавальнасць і прынцыповасць. Яго адрознівала сумленнасць, аб'ектыўнасць, добразычлівае стаўленне да людзей.

Прафесіяналізм і добрасумленнае стаўленне Валерыя Яфімавіча да выканання службовых абавязкаў не раз адзначаліся Пракурорам БССР, Генеральным пракурорам Рэспублікі Беларусь і пракурорам Віцебскай вобласці.

Знаходзячыся на заслужаным адпачынку, Валерый Яфімавіч вядзе актыўны лад жыцця, яму хапае сілы і на апрацоўку прысядзібнага участка, і на ўдзел у выхаванні ўнучкі.

У дзень юбілею намеснік пракурора вобласці Каранько Г.А., начальнік аддзела кадраў і ідэалагічнай работы Лісоўская Т.Н. павіншавалі Валерыя Яфімавіча з юбілеем і пажадалі, каб кожны новы дзень быў напоўнены толькі станоўчымі эмоцыямі і радаснымі падзеямі, заўсёды быў добры настрой і моцнае здароўе.

Намеснік начальніка ўпраўлення па кадрах і
ідэалагічнай рабоце пракуратуры Магілёўскай вобласці
Таццяна Лісоўская.