Камісія па выкананні патрабаванняў Дырэктывы №1: у Віцебскай вобласці за першае паўгоддзе 2021 года ўзровень вытворчага траўматызму знізіўся на 16%

Па выніках першае паўгодзьдзя 2021 году ў Віцебскай вобласьці захоўваецца дынаміка зьніжэньня ўзроўню суіцыдаў і атручваньняў алькаголем, стабілізаваная сытуацыя з колькасьцю загінулых на вытворчасьці. Узровень вытворчага траўматызму зьніжаны на 16%. Колькасьць злачынстваў, учыненых у стане алькагольнага ап'яненьня, скарацілася на 11%. На столькі ж працэнтных пунктаў стала менш ДТЗ на дарогах вобласьці. Разам з тым з прычыны нецьвярозых кіроўцаў учынена 9 дарожна-транспартных здарэньняў.

Пра гэта паведаміў старшыня камітэта па працы, занятасьці і сацыяльнай абароне аблвыканкама Аляксандар Хрыстафораў на пашыраным паседжаньні камісіі па выкананьні патрабаваньняў Дырэктывы №1 «Аб мерах па ўмацаваньні грамадзкай бясьпекі і дысцыпліны». У цэнтры ўвагі былі пытаньні, зьвязаныя з працай суб'ектаў прафіляктыкі па выключэньні надзвычайных сытуацыяў і гібелі людзей ад зьнешніх прычын, папярэджаньні пажараў, а таксама прымаемыя меры па забесьпячэньні бясьпекі аховы жыцьця людзей на водах.

Ёсьць прэтэнзіі да шэрагу прадпрыемстваў і арганізацыяў, дзе не на належным узроўні знаходзіцца працоўная дысцыпліна. Выяўляюцца факты ўжываньня сьпіртных напояў і знаходжаньня ў стане алькагольнага ап'яненьня на працоўных месцах. З пачатку году па названых прычынах звольнены 632 работнікі, да адказнасьці прыцягнуты больш за 6 тысячаў.

Павялічылася колькасьць загінулых на пажарах і ў выніку дарожна-транспартных здарэньняў, крытычнай застаецца сытуацыя з колькасьцю загінулых у выніку ўтапаньняў.

Старшыня абласной арганізацыі ОСВАД Аляксандар Мясаедаў канстатаваў, што ў першым паўгодзьдзі на вадаёмах Віцебшчыны ўтанулі 46 чалавек, а за ліпень – 22, зь іх 10 знаходзіліся ў алькагольным ап'яненьні. Нягледзячы на тое, што на тэрыторыі вобласьці маюцца 47 адмыслова абсталяваных пляжаў, большасьць трагічных выпадкаў адбылося на тых вадаёмах, дзе купаньне забаронена.

Ня лепшым чынам складаецца сытуацыя і па пажарах, колькасьць якіх з пачатку году ўзрасла на 10%, паведаміў першы намесьнік начальніка абласнога ўпраўленьня МНС Андрэй Гаўрыленка.

Загінулі 59 чалавек, з іх 43 (72,8%) знаходзіліся ў стане алкагольнага ап'янення.

У інтэрнатах адбылося шэсць пажараў. Прычына – не ўсе інтэрнаты абсталяваны сістэмамі пажарнай аўтаматыкі альбо дадзеныя сістэмы не прыведзены ў працаздольны стан.

Андрэй Гаўрыленка ўпэўнены, што патэнцыял сумес­ных дзеянняў для папярэджання пажараў не вычарпаны, у прыватнасці, трэба павышаць эфектыўнасць працы назіральных камісій.

Першы намеснік старшыні аблвыканкама Алег Мацкевіч падкрэсліў, што з часу дзеяння Дырэктывы №1 шмат зроблена. Але прафілактычнай працай трэба займацца штодзённа і сістэмна, бо ад гэтага залежаць жыццё і здароўе людзей.

"Віцебскія весці".