Камітэт па працы, занятасці і сацыяльнай абароне: аб набыцці вопыту практычнай працы

У студзені-маі 2022 г. у Віцебскай вобласці 9 чалавек з ліку беспрацоўных атрымалі магчымасць набыць вопыт практычнай работы.

Дадзеная паслуга прадугледжана з мэтай атрымання беспрацоўнымі прафесійных ведаў, уменняў і навыкаў практычнай работы ў адпаведнасці з атрыманай прафесіяй (спецыяльнасцю), павышэння канкурэнтаздольнасці на рынку працы, пашырэння магчымасцей працаўладкавання.

Працаўладкаваныя ў рамках дадзенай паслугі грамадзяне набывалі вопыт па розных прафесіях (спецыяльнасцях): эканаміст, тэхнік-праграміст, прадавец, кладаўшчык, вальшчык лесу.

Для набыцця вопыту практычнай работы па атрыманай прафесіі (спецыяльнасці) накіроўваюцца беспрацоўныя, зарэгістраваныя ў службе занятасці, з ліку:

• выпускнікоў устаноў адукацыі, якія атрымалі прафесійна-тэхнічную, сярэднюю спецыяльную і вышэйшую адукацыю;
• асоб, якія прайшлі прафесійную падрыхтоўку або перападрыхтоўку па накіраванні службы занятасці;
• асоб, якія працяглы час (больш за 12 месяцаў) не працавалі ў сувязі з доглядам за дзіцем ва ўзросце да 3 гадоў, дзіцем-інвалідам ва ўзросце да 18 гадоў, а таксама за дзіцем ва ўзросце да 18 гадоў, інфікаваным вірусам імунадэфіцыту чалавека або хворым на СНІД.

Працаўладкаванне беспрацоўных для набыцця вопыту практычнай работы па атрыманай прафесіі (спецыяльнасці) можа ажыццяўляцца ў арганізацыях незалежна ад форм уласнасці, за выключэннем арганізацый, дзейнасць якіх фінансуецца за кошт бюджэтных сродкаў, і ў індывідуальных прадпрымальнікаў.

ВАЖНА! Наймольнікам, якія прадастаўляюць працоўныя месцы для працаўладкавання беспрацоўных для набыцця вопыту практычнай работы, службай занятасці часткова кампенсуюцца затраты на аплату іх працы.