Камітэт па працы, занятасці і сацыяльнай абароне: аб разліковай норме працоўнага часу на 2022 год

Пастановай Міністэрства працы і сацыяльнай абароны ад 20 кастрычніка 2021 г. № 70 устаноўлена разліковая норма працоўнага часу для пяцідзённага і шасцідзённага працоўнага тыдня 2022 года.

Разліковая норма працоўнага часу на 2022 год пры поўнай норме яго працягласці складзе:

• для пяцідзённага працоўнага тыдня з выхаднымі днямі ў суботу і нядзелю – 2037 гадзін;
• для шасцідзённага працоўнага тыдня з выхадным днём у нядзелю – 2038 гадзін.

Разліковая норма працоўнага часу на 2022 год устаноўлена зыходзячы з поўнай нормы працягласці працоўнага часу 40 гадзін у тыдзень і разлічана для:

• пяцідзённага працоўнага тыдня зыходзячы з працягласці штодзённай працы ў працоўныя дні 8 гадзін, а ў працоўныя дні, непасрэдна папярэднія святочным дням, – 7 гадзін;
• шасцідзённага працоўнага тыдня зыходзячы з працягласці штодзённай працы ў працоўныя дні з панядзелка па пятніцу 7 гадзін, у суботу – 5 гадзін, а ў працоўныя дні, непасрэдна папярэднія святочным дням, – 6 і 4 гадзіны адпаведна.