Камітэт па працы, занятасці і сацыяльнай абароне: аб сітуацыі на рынку працы Віцебскай вобласці
Узровень зарэгістраванай беспрацоўнасці на 1 снежня 2021 г. склаў 0,2 працэнта і знізіўся на 0,1 працэнтнага пункта ў параўнанні з 1 снежня 2020 г.
У студзені – лістападзе 2021 г. за садзейнічаннем у працаўладкаванні ў службу занятасці звярнулася 19 тыс. чалавек (на 2,6 працэнта менш, чым у студзені – лістападзе 2020 г.), з якіх 8,8 тыс. чалавек пастаўлены на ўлік у якасці беспрацоўных (на 8,5 працэнта менш).
У межах рэалізацыі Дзяржаўнай праграмы ˮРынак працы і садзейнічанне занятасці“ на 2021 – 2025 гады ў студзені – лістападзе 2021 г.:
- 14,8 тыс. чалавек працаўладкавана на пастаянную працу;
- 446 чалавек накіраваны на навучанне па прафесіях, запатрабаваных на рынку працы;
- 91 беспрацоўны атрымаў субсідыю для арганізацыі ўласнай справы;
- 2878 чалавек прынялі ўдзел у аплатных грамадскіх работах;
- забяспечана часовая працоўная занятасць 4162 чалавек з ліку навучэнскай моладзі ў вольны ад вучобы час;
- працаўладкаваны ў межах набыцця вопыту практычнай працы 24 беспрацоўных;
- арганізавана адаптацыя да працоўнай дзейнасці 43 інвалідаў;
- 29 сем'яў беспрацоўных пераселены на новае месца жыхарства і працы.
Узровень працаўладкавання грамадзян, якія звярнуліся за садзейнічаннем, склаў 71,5 працэнта (пры заданні на 2021 год – 70 працэнтаў), што вышэй на 2,8 працэнтнага пункта ў параўнанні з узроўнем студзеня – лістапада 2020 г.
Наймітамі на 1 снежня 2021 г. заяўлены звесткі аб наяўнасці 9,1 тыс. свабодных рабочых месцаў, што на 34,5 працэнта больш, чым на 1 снежня 2020 г. (6,8 тыс.).
Найбольш запатрабаванымі прафесіямі у наймальнікаў з'яўляюцца: швачка, кіроўца аўтамабіля, кантралёр-касір, повар, прадавец, слесар-рамонтнік, слесар па рамонце аўтамабіляў, электрагазазваршчык. Сярод спецыялістаў і служачых пастаянным попытам карыстаюцца бухгалтары, інжынеры, медыцынскія сёстры, урачы. У сельскай мясцовасці запатрабаваны трактарысты, аператары машыннага даення, жывёлаводы, ветурачы, заатэхнікі.