Камітэт па працы, занятасці і сацыяльнай абароне: пра сацыяльнае партнёрства ў Віцебскай вобласці

На 1 студзеня 2022 г. у Віцебскай вобласці дзейнічае 99 мясцовых пагадненняў (на абласным узроўні – 11, раённым (гарадскім) узроўні – 88), налічваецца звыш 3,3 тысяч арганізацый, у якіх заключаны (дзейнічае) калектыўны дагавор. Ахоп калектыўна-дагаворным рэгуляваннем працоўных адносін у эканоміцы вобласці складае 90,7 працэнта.

Нараўне з абласным трохбаковым пагадненнем важным звяном у сістэме сацыяльнага партнёрства з'яўляюцца 10 абласных тарыфных, 65 раённых і гарадскіх галіновых пагадненняў і 23 мясцовыя пагадненні.

Сацыяльнымі партнёрамі ‒ Віцебскім абласным выканаўчым камітэтам, Віцебскім абласным саюзам наймальнікаў і Віцебскім абласным аб'яднаннем прафсаюзаў 25 лютага 2022 г. прынята рашэнне аб падаўжэнні тэрміну дзеяння заключанага паміж імі трохбаковага пагаднення на 2019–2021 гады, да 2024 года.

Акрамя таго, у Пагадненне ўнесены шэраг карэкціровак у сувязі са зменамі ў заканадаўстве, якое рэгулюе сацыяльна-працоўную сферу, праграмнымі дакументамі сацыяльна-эканамічнага развіцця на бягучую пяцігодку.

Першачарговую ўвагу ў пагадненні нададзена выкананню сацыяльна-эканамічных правоў работнікаў, ахове працы, гарантыям эфектыўнасці працы прадпрыемстваў, развіццю рынку працы, садзейнічанню занятасці.

Дадатковыя гарантыі работнікам, прадугледжаныя трохбаковым Пагадненнем, якое з'яўляецца асновай для тарыфных і мясцовых пагадненняў, калектыўных дагавораў, дзейнічаюць без выключэнняў і ў поўным аб'ёме.

У межах рэалізацыі трохбаковага пагаднення бакі працягнуць супрацоўніцтва па развіцці сістэмы сацыяльнага партнёрства, павышэнню яго эфектыўнасці і ўзроўню сацыяльнай абароненасці работнікаў.