Камітэт па працы, занятасці і сацыяльнай абароне: аб зменах у аплаце працы кіраўнікоў арганізацый
Пастановай № 612 змяняецца парадак налічэння і выплаты прэмій, бонусаў і узнагароджанняў кіраўнікам арганізацый, а таксама гадавога бонуса.
Парадак налічэння і выплаты прэмій, бонусаў і узнагароджанняў кіраўнікам арганізацый
З 1 лістапада бягучага года ўнесены змяненні па прымяненні асобных падстаў, а таксама ўведзена дадатковая падстава, пры наяўнасці якіхкіраўнікам арганізацый незалежна ад формы ўласнасці (за выключэннем бюджэтных арганізацый і іншых арганізацый, якія атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый), не налічваюцца прэміі, бонусы і узнагароджанні за выкананне працоўных абавязкаў(падпункт 1.1 пункта 1 пастановы № 612).
Дадатковая падстава, пры наяўнасці якога кіраўнікам арганізацый не налічваюцца прэміі, бонусы і узнагароджанні
– запазычанасць па аплаце спажытых з пачатку справаздачнага года паслуггарачага і халоднага водазабеспячэння, водаадвядзення (каналізацыі)
Змяненні па прымяненні асобных дзеючых падстаў
– рост страты ад рэалізацыі прадукцыі, тавараў (работ, паслуг)
Дадзены паказчык будзе ацэньвацца ў залежнасці ад перыяду налічэння адпаведнай стымулюючай выплаты (месяц, квартал і іншы перыяд). Пры гэтым уведзены альтэрнатыўны паказчык – рост чыстай страты. Канкрэтны паказчык павінен быць устаноўлены ўладальнікам маёмасці або органам, які заключыў кантракт
– запазычанасць па аплаце за спажытыя з пачатку справаздачнага года прыроднага газу, электрычнай і цеплавой энергіі
Указаная запазычанасць будзе вызначацца на апошнюю дату справаздачнага перыяду або ва ўстаноўленых заканадаўствам выпадках – на дату, якая адносіцца да перыяду, наступнага за справаздачным, а таксама па дагаворах з ААТ ˮГазпрам трансгаз Беларусь“, ПАТ ˮГазпрам“.
Адначасова пастановай № 612 прадугледжана, што пры забяспечанні ў арганізацыі на 31 снежня справаздачнага года поўнай аплаты спажытых з пачатку справаздачнага года прыроднага газу, электрычнай і цеплавой энергіі, паслуг гарачага і халоднага водазабеспячэння, водаадвядзення (каналізацыі) кіраўніку выплачваецца 50 працэнтаў ад не налічаных і не выплачаных на працягу справаздачнага года па названых падставах сум прэмій, бонусаў і ўзнагароджанняў.
Абазначаныя змены накіраваны на стымуляванне працы кіраўнікоў па забяспечанні прыбытковай працы арганізацый, а таксама поўнай аплаты дагаворных абавязацельстваў за спажытыя энергетычныя рэсурсы і асноўныя віды жыллёва-камунальных паслуг.
Разлік гадавога бонуса
З 1 студзеня 2022 годазмяняецца разлік гадавога бонуса кіраўнікам дзяржаўных арганізацый і арганізацый, у статутным фондзе якіх доля ўласнасці дзяржавы складае больш за 50 працэнтаў, з улікам колькасці даводзімых прагнозных паказчыкаў (падпункт 1.2 пункта 1 пастановы № 612).
Гадавы бонус будзе вылічвацца прапарцыянальна колькасці выкананых прагнозных паказчыкаў.
Нагадаем, што гадавы бонус устанаўліваецца ў памеры да 10 працэнтаў прыросту чыстага прыбытку арганізацыі, атрыманага па выніках справаздачнага года ў параўнанні з папярэднім годам, але не больш за 12 акладаў уключна.
Увага! Умовы працоўных дагавораў кіраўнікоў арганізацый павінны быць прыведзены ў адпаведнасць з пастановай № 612 (частка чацвёртая арт.19 Працоўнага кодэкса)
Уступленне ў сілу
Новы парадак налічэння і выплаты прэмій, бонусаў і ўзнагароджанняў кіраўнікам арганізацый будзе прымяняцца пры налічэнні дадзеных выплат, пачынаючы з 1 лістапада 2021 года.
Змены па гадавым бонусе ўступаюць у сілу з 1 студзеня 2022 года.