Камітэт па працы, занятасці і сацыяльнай абароне: планаванне працоўных водпускаў на будучы год

Як правіла, лістапад і снежань – гэта месяцы, у якія работнікі і наймальнікі пачынаюць планаваць працоўныя адпачынкі на наступны каляндарны год. Пры гэтым работнікам важна ўлічыць не толькі асабістыя інтарэсы, а наймальнікам – інтарэсы вытворчасці, але і патрабаванні заканадаўства.

Графік адпачынкаў:

– складаецца не пазней 5 студзеня (іншага тэрміну, устаноўленага калектыўным дагаворам, пагадненнем альбо ўзгодненага наймальнікам з прафсаюзам);

– устанаўлівае чарговасць прадастаўлення працоўных адпачынкаў для ўсіх работнікаў арганізацыі;

– складаецца на каляндарны год у арганізацыях любой формы ўласнасці ў абавязковым парадку;

– зацвярджаецца наймальнікам і, калі таго патрабуе калектыўны дагавор, узгадняецца з прафсаюзам;

– абавязкова даводзіцца да ведама ўсіх работнікаў.

Пры складанні графіка працоўных адпачынкаў наймальніку неабходна ўлічыць:

– меркаванне работніка аб часе яго сыходу ў адпачынак;

– абавязак запланаваць адпачынак асобным катэгорыям работнікаў па іх жаданні ў летні ці іншы зручны час альбо ў пэўны перыяд;

– неабходнасць прадастаўлення працоўнага адпачынку штогод на працягу працоўнага года.

Даведачна:

Невыкананне службовай асобай наймальніка ўстаноўленага парадку прадастаўлення работнікам адпачынкаў цягне накладанне штрафу ў памеры ад двух да дваццаці базавых велічынь (частка 6 артыкула 10.12 Кодэкса Рэспублікі Беларусь аб адміністрацыйных правапарушэннях)