Камітэт па працы, занятасці і сацыяльнай абароне: сёння адзначаецца Сусветны дзень аховы працы
Гэтая інфармацыйна-тлумачальная кампанія заклікана прыцягнуць увагу грамадскасці да праблем у галіне аховы працы і да фактаў вытворчых траўм і захворванняў, у тым ліку са смяротным зыходам, звязаных з працоўнай дзейнасцю.
ГІСТОРЫЯ СВЯТА
Першае мерапрыемства было праведзена прафсаюзамі і работнікамі ЗША і Канады ў 1989 годзе. Такім чынам, яны ўшанавалі памяць калег, якія загінулі на працоўным месцы. Праблема аказалася актуальнай для многіх краін. Ужо праз дзесяць гадоў аналагічныя акцыі прайшлі па ўсім свеце, больш чым у ста краінах. У 2003 годзе Міжнародная арганізацыя працы (МАП) прапанавала адзначаць гэты дзень афіцыйна. Сёння яго адзначаюць 175 краін, уключаючы Рэспубліку Беларусь. Кожны год свята праходзіць пад пэўным лозунгам.
У чэрвені 2022 года ўдзельнікі Міжнароднай канферэнцыі працы (МКП) вырашылі ўключыць пытанне аб бяспечным і здаровым вытворчым асяроддзі ў звод асноватворных прынцыпаў і правоў у сферы працы МАП.
Асноватворнымі прынцыпамі і правамі ў сферы працы з'яўляюцца:
- свабода аб'яднання і дзейснае прызнанне права на вядзенне калектыўных перамоваў;
- скасаванне ўсіх форм прымусовай працы;
- дзейнае забараненне дзіцячай працы;
- недапушчэнне дыскрымінацыі ў галіне працы і заняткаў;
- бяспека і гігіена працы.
Тэма Сусветнага дня аховы працы ў 2023 годзе: ”Бяспечнае і здаровае вытворчае асяроддзе як асноватворны прынцып і права ў сферы працы“.
У гэты дзень праходзяць круглыя сталы, выставы, канферэнцыі, форумы, прысвечаныя актуальным праблемам аховы працы.
Ва Сусветны дзень аховы працы ў арганізацыях рэкамендуецца правядзенне наступных
мероприяццяў:
- абследаванне структурных падраздзяленняў (аддзелаў, участкаў, складаў і інш.) з мэтай праверкі фактычнага стану ўмоў і аховы працы;
- выданне выніковага дакумента (загаду, распараджэння)
- па выніках праведзенага абследавання структурных падраздзяленняў з указаннем мерапрыемстваў па ліквідацыі выяўленых недахопаў і крыніцы іх фінансавання;
- пасяджэнні камісіі па ахове працы;
- зборы ў працоўных калектывах, на якіх разглядаюцца пытанні аб стане ўмоў і аховы працы, выкананні раздзелаў калектыўнага дагавора, выкананні работнікамі патрабаванняў па ахове працы;
- конкурсы па ахове працы сярод структурных падраздзяленняў, работнікаў на лепшае рабочае месца, участак, цэх, веданне правілаў па ахове працы, вытворчых і тэхналагічных інструкцый і г.д.;
- прафілактычныя гутаркі з работнікамі па пытаннях электрабяспекі, аказання першай дапамогі пацярпелым
- на вытворчасці;
- анкетаванне сярод работнікаў па пытаннях аховы працы;
- правядзенне заняткаў з работнікамі па асновах арганізацыі і вядзення мерапрыемстваў аховы працы;
- нарада з кіруючым складам арганізацыі, прысвечаная Сусветнаму дню аховы працы;
- правядзенне канферэнцый, лекцый, семінараў, розных мерапрыемстваў па культуры вытворчасці, а таксама па пытаннях вядзення дакументацыі, інструктажоў, афармлення стэндаў і куткоў па ахове працы;
- размяшчэнне інфармацыі па актуальных пытаннях аховы працы ў сродках масавай інфармацыі, сайтах арганізацый, інтэрнэт-каналах і чатах.