Камітэт па працы, занятасці і сацыяльнай абароне: Дэкрэтам № 6 узмоцнены патрабаванні да кіруючых кадраў і работнікаў
Што зменіцца?
1) Кіраўнікам арганізацый прадастаўлена права неадкладна адхіляць работніка ад працы ў выпадку, калі работнік заклікае іншых работнікаў да спынення выканання працоўных абавязкаў без уважлівых прычын.2) Устаноўлена, што парушэнне работнікам парадку збору, сістэматызацыі, захоўвання, змянення, выкарыстання, абязлічвання, блакіравання, распаўсюджвання, прадастаўлення, выдалення персанальных даных з'яўляецца дыскрэдытуючай абставінай звальнення.
3) Характарыстыка на работніка з папярэдніх месцаў яго працы выдаецца на працягу сямі каляндарных дзён з дня атрымання адпаведнага запыту.
Пад характарыстыкай разумеецца афіцыйны дакумент, які адлюстроўвае прафесійныя, дзелавыя і маральныя якасці работніка, звесткі аб прыцягненні да дысцыплінарнай і іншай адказнасці, стаўленне да дзяржаўных і грамадскіх інстытутаў, іншую інфармацыю, падрыхтаваны па форме, устаноўленай Саветам Міністраў Рэспублікі Беларусь.
4) Пры прыёме на працу работніка ў дзяржаўныя органы, іншыя дзяржаўныя арганізацыі, а таксама арганізацыі, больш за 50 працэнтаў акцый (долей у статутным фондзе) якіх знаходзіцца ў дзяржаўнай уласнасці, наймальнікі абавязаны, калі іншае не ўстаноўлена заканадаўчымі актамі, запытваць:
- характарыстыку з папярэдняга месца яго працы;
- характарыстыку з дзяржаўнай арганізацыі, якая з'яўлялася месцам яго працы на працягу папярэдніх пяці гадоў. У выпадку, калі такім месцам працы з'яўлялася некалькі дзяржаўных арганізацый, характарыстыка запытваецца па апошняй з іх;
- звесткі з адзінага дзяржаўнага банка даных аб правапарушэннях у дачыненні да кандыдатаў на кіраўнічыя пасады. Такія звесткі прадастаўляюцца бясплатна.
5) Парушэнне прадугледжанага дадзеным Дэкрэтам парадку прыёму на працу, прызначэння на пасаду, выдача характарыстык, якія змяшчаюць
заведама недакладную інфармацыю, а таксама парушэнне тэрмінаў іх выдачы прызнаецца грубым парушэннем працоўных абавязкаў.
6) Вінаватыя дзеянні службовых асоб, якія пацягнулі прычыненне шкоды дзяржаўнай уласнасці або істотнага ўрону дзяржаўным або грамадскім інтарэсам, пры наяўнасці падстаў цягнуць адказнасць у адпаведнасці з Крымінальным кодэксам Рэспублікі Беларусь.
Дэкрэт уступае ў сілу з 24 кастрычніка 2021 г.