Комплексная праца

Пракуратурай Віцебскай вобласці сумесна з УМНС, УУС Віцебскага аблвыканкама праведзена комплексная праверка дзейнасці суб'ектаў прафілактыкі Ушацкага раёна.

Рабочай групай пракуратуры вобласці ажыццяўлялася арганізацыя і правядзенне пазачарговых пасяджэнняў саветаў грамадскіх пунктаў аховы правапарадку, вывучаліся матэрыялы работы саветаў ГПАП з дачай ацэнкі эфектыўнасці іх дзейнасці па прафілактыцы злачынстваў і іншых правапарушэнняў, а таксама наяўныя матэрыялы па рабоце назіральных камісій. Акрамя таго, вывучаны прынятыя органамі мясцовай улады рашэнні па пытаннях прафілактыкі правапарушэнняў, а таксама арганізацыя работы аддзела прафілактыкі і правапарадку РАУС.

Вынікі праведзеных мерапрыемстваў сведчаць аб наяўнасці шэрагу праблемных пытанняў у арганізацыі работы па прафілактыцы злачынстваў і правапарушэнняў, гібелі грамадзян ад знешніх прычын ва Ушацкім раёне. Дзейнасць райвыканкама як асноўнага суб'екта прафілактыкі ў рэгіёне, аддзела ўнутраных спраў, грамадскіх фарміраванняў патрабуе актывізацыі і павышэння іх ролі ў рэалізацыі як запланаваных мерапрыемстваў, так і своечасовага рэагавання і прыняцця дзейсных мер з улікам крымінагеннай абстаноўкі, якая складваецца.

Найважнейшую ролю ў ажыццяўленні прафілактыкі на адпаведнай тэрыторыі адыгрываюць саветы грамадскіх пунктаў аховы правапарадку. Разам з тым, абмеркаванне вынікаў прынятага ўдзелу ў пазачарговых пасяджэннях саветаў сведчыць аб тым, што ў большасці выпадкаў саветы ГПАП выбіраюць у якасці асноўнай функцыі прафілактычную гутарку з асобамі, якія выклікаюцца і разглядаюцца на пасяджэннях, а паўнамоцтвы ў частцы разгляду пытанняў стану законнасці і правапарадку, аказання рэальнай дапамогі асобам у вырашэнні іх побытавых пытанняў і праблем і, як вынік, прыняцця мер па паляпшэнні абстаноўкі на падведамаснай тэрыторыі, выкарыстоўваюцца не ў поўнай меры.

Па выніках праведзенай комплекснай адпрацоўкі старшыні Ушацкага райвыканкама падрыхтавана абагульненае прадстаўленне аб ліквідацыі парушэнняў заканадаўства аб прафілактыцы злачынстваў і

правапарушэнняў, пастаўлена пытанне аб адказнасці вінаватых службовых асоб.

Старшы памочнік пракурора вобласці Н.Колпакова.