Каардынацыя дае свае вынікі
У мінулым годзе ў мэтах ажыццяўлення ўзгодненых дзеянняў па забеспячэнні законнасці і правапарадку, папярэджанні, выяўленні і спыненні злачынстваў, у тым ліку карупцыйнай накіраванасці, пракурорамі арганізавана больш за 80 пасяджэнняў каардынацыйных нарад.
У прыватнасці, на абласным узроўні разглядаліся пытанні павышэння эфектыўнасці дзейнасці праваахоўных органаў, іншых зацікаўленых органаў і арганізацый па папярэджанні злачынстваў у сферы высокіх тэхналогій, гібелі людзей у выніку пажараў і ад іншых знешніх фактараў, процідзеянні карупцыі, прафілактыцы забойстваў і наўмысных прычыненняў цяжкіх цялесных пашкоджанняў.
Таксама пракурорамі гарадоў і раёнаў, Віцебскім транспартным пракурорам асноўная ўвага надавалася выпрацоўцы на каардынацыйных нарадах мер па процідзеянні злачыннасці і карупцыі, забеспячэнні грамадскага парадку, прафілактыцы злачынстваў і іншых правапарушэнняў.
Акрамя таго, пракурорамі праводзіліся міжведамасныя нарады, на якіх часта разглядаліся пытанні ўзаемадзеяння праваахоўных органаў, актуальныя пытанні, звязаныя з забеспячэннем законнасці і правапарадку.
Таксама органамі пракуратуры сумесна з іншымі дзяржаўнымі і праваахоўнымі органамі на пастаяннай аснове праводзіліся мэтавыя мерапрыемствы па выяўленні і спыненні злачынстваў, устараненні прычын і ўмоў, якія спрыяюць іх здзяйсненню.
У межах ажыццяўлення каардынацыйнай дзейнасці пракурорамі выкарыстоўваліся іншыя арганізацыйна-прававыя мерапрыемствы па наглядзе і кантролі ў сферы барацьбы са злачыннасцю і карупцыяй. Рэгулярна ў органы выканаўчай улады накіроўваліся інфармацыйныя запіскі аб стане законнасці і грамадскай бяспекі ў рэгіёнах. Па ініцыятыве пракурораў пытанні ўмацавання правапарадку неаднаразова разглядаліся на пасяджэннях
абласнога выканаўчага камітэта, мясцовых органаў дзяржаўнай улады.
Дзякуючы комплекснаму падыходу да выкарыстання прававых сродкаў, у Віцебскай вобласці забяспечана стабільная аператыўная абстаноўка.
За 2021 год у вобласці зменшылася колькасць зарэгістраваных злачынстваў, у тым ліку наўмысных прычыненняў цяжкіх цялесных пашкоджанняў, рабаванняў, махлярстваў, вымагальніцтваў, крадзяжоў маёмасці. Менш злачынстваў здзейснена асобамі, якія маюць судзімасць, якія знаходзяцца ў стане алкагольнага ап'янення.
У мінулым годзе на тэрыторыі вобласці ўлічана больш за 130 карупцыйных злачынстваў, за здзяйсненне якіх да адказнасці прыцягнута больш за 100 службовых асоб. За апошнія гады ўпершыню назіраецца станоўчая тэндэнцыя зніжэння колькасці злачынстваў у сферы процідзеяння кіберзлачыннасці. Гэтаму становішчу спраў шмат у чым паспрыяла прыняцце дадатковых мер з боку суб'ектаў прафілактыкі ў мэтах папярэджання здзяйснення злачынстваў у сферы высокіх тэхналогій, у тым ліку выпрацаваныя на каардынацыйных нарадах мерапрыемствы.
Станоўчая дынаміка ў стане злачыннасці і грамадскай бяспекі захоўваецца і ў бягучым годзе.
Намеснік начальніка арганізацыйна-кантрольнага аддзела саветнік юстыцыі С.Л.Зайцава