Начальнік аддзела пракуратуры Віцебскай вобласці Віктар Колбун сустрэўся з вайскоўцамі вайсковай часці ў г.Віцебску

Падчас наведвання сустрэўся з вайскоўцамі, якія праходзяць службу па кантракту і афіцэрамі брыгады, правёў лекторый на тэму прафілактыкі і папярэджання здзяйснення воінскіх злачынстваў, захавання воінскай дысцыпліны, дэвіянтных паводзін, у тым ліку і ў побыце, прывёў прыклады.

«Ваенная служба па кантракту – ваенная служба грамадзян, якую яны з мэтай канстытуцыйнага абавязку па абароне нашай краіны добраахвотна абавязваюцца праходзіць у адпаведнасці з заканадаўствам на ўмовах заключанага кантракту. Пры гэтым неабходна строга захоўваць воінскую дысцыпліну, верна служыць Рэспубліцы Беларусь, стойка пераносіць цяжкасці ваеннай службы, быць пільным, пастаянна ўдасканальваць воінскае майстэрства», - нагадаў прысутным пракурорскі работнік.

У працэсе зносін і па выніках сустрэчы Віктар Колбун адказаў на пытанні прысутных.

Пасля заканчэння азнаёміўся з месцам размяшчэння асабовага складу, умовамі нясення службы па кантракту.

Аддзел па наглядзе за выкананнем
заканадаўства ў войсках
пракуратуры Віцебскай вобласці.