Наталля Качанава азнаёмілася з дзейнасцю ААТ "Лепельаграсэрвіс"
Другі дзень рабочай паездкі ў Віцебскую вобласць Старшыня Савета Рэспублікі Наталля Качанава азнаёмілася з дзейнасцю ААТ "Лепельаграсэрвіс".
Прадпрыемства спецыялізуецца на вытворчасці малочнай прадукцыі, развядзенні КРС, збожжа, рэалізацыі угнаенняў. Аказвае транспартныя паслугі, а таксама займаецца тэхабслугоўваннем і рамонтам аўтатранспарту.
Наталля Качанава пагутарыла з механізатарамі, пацікавілася ўмовамі працы і заработнай платай. Падчас агляду тэрыторыі Спікер звярнула ўвагу на неабходнасць навядзення парадку як на вуліцы, так і ўнутры памяшкання.
Наступны пункт - малочна-таварная ферма «Лядна». Тут узнялі ключавое для гаспадаркі пытанне аб неабходнасці будаўніцтва новага малочна-таварнага комплексу. Дзеючае памяшканне эксплуатуецца з 1969 года і яно маральна і тэхнічна састарэла. Пры гэтым, Наталля Качанава станоўча ацаніла пачатае будаўніцтва прафілакторыя для цялят. Менавіта да моладзі сёння самае пільную ўвагу, да якасці іх утрымання, асабліва ў халодны зімовы перыяд і паўнавартаснага харчавання.
Рабочая паездка Спікера праходзіць у адпаведнасці з даручэннем Прэзідэнта Рэспублікі Беларусь па выніках нарады аб мерах па забеспячэнні ўстойлівага развіцця Віцебскай вобласці і сітуацыі са здыханнем буйной рагатай жывёлы ў Рэспубліцы Беларусь.
Другім пунктам маршруту стала сельгаспрадпрыемства «Лепельскае» і яго малочна-таварны комплекс «Цэліна». Наталля Качанава пагутарыла са спецыялістамі і пазнаёмілася з тэхналагічным працэсам: ад пераводу цялят з прафілакторыя на дарошчванне і ўтрымання асноўнага пагалоўя.
Аглядаючы ферму, Спікер адзначыла як станоўчыя моманты, напрыклад, сучасныя домікі для цялят, так і праблемныя. Абмеркавалі недахопы металічных пабудоў 2013 года, якія моцна астуджаюцца зімой. Ёсць неабходнасць у будаўніцтве новых цялятнікаў больш прасторных, з палепшанай вентыляцыяй і магчымасцю заезду спецыяльнай тэхнікі для ўборкі.
Наталля Качанава адзначыла: "Не будзе парадку, не будзе вытворчасці. Парадак павінен быць ва ўсім – ад умоў для людзей, тэхнікі і да самых сучасных стандартаў у жывёлагадоўлі".
Праца па навядзенні гэтага парадку ўжо пачата, і кіраўніцтва Лепельскага раёна атрымала вычарпальныя арыенціры для далейшай працы.