Наталля Качанава ўручыла ключы ад арэндных кватэр полацкім медыкам

Напярэдадні прафесійнага свята — Дня медыцынскіх работнікаў — у Полацку адбылася ўрачыстая цырымонія ўручэння ключоў ад новага арэнднага жылля супрацоўнікам Полацкай цэнтральнай гарадской бальніцы, паведамляе афіцыйны тэлеграм-канал Савета Рэспублікі Нацыянальнага сходу Рэспублікі Беларусь

У святочным мерапрыемстве, якое прайшло ў мікрараёне Аэрапорт, прыняла ўдзел Старшыня Савета Рэспублікі Наталля Качанава.

Звяртаючыся да прысутных, Спікер верхняй палаты Парламента зрабіла асаблівы акцэнт на тым, якую ўвагу Кіраўнік дзяржавы і ў цэлым у нашай краіне надаюць клопату пра людзей і мадэрнізацыі медыцыны на месцах.

"Здароўе нацыі — прыярытэтны напрамак дзяржаўнай сацыяльнай палітыкі. Вы ведаеце, якую ўвагу сістэме аховы здароўя надае Прэзідэнт нашай краіны. Былі пастаўлены задачы зрабіць усё для таго, каб матэрыяльна-тэхнічнае забеспячэнне нашых устаноў аховы здароўя было на самым высокім узроўні.

Будуюцца новыя паліклінікі і бальніцы, рэканструююцца дзеючыя, закупляецца высокатэхналагічнае абсталяванне. Вось у вас хутка з'явіцца новая паліклініка, што дазволіць яшчэ больш якасна аказваць медыцынскую дапамогу палачанам".

Старшыня Савета Рэспублікі шчыра падзякавала медыцынскіх работнікаў за іх самаадданую працу, за тое, што яны аддаюць душу і сэрца пацыентам, і пажадала новасёлам шчасця і дабрабыту ў новых дамах.

Таксама Наталля Качанава выказала словы прызначнасці будаўнікам з СМТ № 16 г.Наваполацка, якія ўзвялі гэты шматкватэрны дом у найкарацейшыя тэрміны — усяго за 8 месяцаў.

Ад імя маладых спецыялістаў і ўсіх медыцынскіх работнікаў бальніцы са словамі падзякі выступіў урач-прамянёвы анколаг Аляксей Гарбатоў. Ён падкрэсліў, што ўласнае камфортнае жыллё дае ўпэўненасць у заўтрашнім дні і стымул працаваць на карысць роднай краіны.

"Мы ганарымся, што ў роднай Беларусі ўрачы застаюцца працаваць тут — у сучасных бальніцах, ва ўтульных кватэрах пад мірным небам", — адзначыў ён.

WEB"Віцебскія весці"