Незразумелае мастацтва
У Віцебскую транспартную пракуратуру на асабісты прыём звярнуўся грамадзянін Б. з заявай аб «незвычайным» малюнку, намаляваным на будынку, размешчаным каля пракуратуры, і з некалькіх бакоў акружаным дзіцячымі дашкольнымі ўстановамі.
У ходзе праверкі па дадзеным факце ўстаноўлена, што на адным з вокнаў другога паверха названага будынка намаляваны малюнак, які змяшчае элементы містыкі і жорсткасці. Пры гэтым характар выявы прыцягвае да сябе ўвагу дзяцей, якія наведваюць размешчаныя побач дзіцячыя сады, выклікае ў іх пачуццё страху і жаху, аказваючы на малышоў адмоўнае псіхалагічнае ўздзеянне.
Вырашэнне дадзенага пытання патрабавала прыняцця неадкладных мер пракурорскага рэагавання, у выніку чаго ачысціць акно ад дадзенага малюнка ўдалося ў той жа дзень да таго, як бацькі з дзецьмі вярталіся з дзіцячых садкоў.
Акрамя таго, раней Віцебскай транспартнай пракуратурай акцэнтавалася ўвага органаў мясцовай выканаўчай улады на неабходнасці прыняцця мер па прадухіленні несанкцыянаванага доступу старонніх асоб у пустуючы будынак. Аднак факт нанясення выявы сведчыць аб магчымасці свабоднага пранікнення і, як следства, аб недастатковасці прынятых уладамі мер. У сувязі з гэтым транспартным пракурорам у прадпісанні запатрабавана прыняць дадатковыя меры па забеспячэнні бяспекі жыццядзейнасці насельніцтва.
Старшы памочнік Віцебскага
транспартнага пракурора І.А.Рыжко