Аляксандр Субоцін: «Мы ганарымся, што жамчужына праваслаўнага свету – Спаса-Праабражэнская царква ў Полацку знаходзіцца на зямлі Віцебшчыны»
Старшыня Віцебскага аблвыканкама Аляксандр Субоцін выказаў словы прывітання і ўдзячнасці з нагоды адкрыцця пасля рэстаўрацыйных работ жамчужыны праваслаўнага свету – Спаса-Праабражэнскай царквы ў Полацку.
– Для Віцебскай вобласці асаблівы гонар сустракаць гасцей на зямлі, дзе першы камень не толькі ў будаўніцтва Еўфрасіннеўскай абіцелі, але і дзяржаўнасці беларускага народа заклала прападобная Еўфрасіння Полацкая, – адзначыў кіраўнік рэгіёну. – У Беларусі беражліва ставяцца да храмаў, многія з якіх уваходзяць у скарбніцу гісторыка-культурнай спадчыны краіны. Так, дзякуючы сумесным намаганням царквы і дзяржавы стала магчымай рэстаўрацыя храма, які не мае аналагаў, перад усімі вернікамі і паломнікамі адкрыліся дзверы ўнікальнага помніка дойлідства XII стагоддзя.