Аляксандр Субоцін азнаёміўся з дзейнасцю Віцебскага аддзялення БЧ
Адбыўся жывы дыялог на актуальныя тэмы: людзей цікавілі пытанні захавання гістарычнай памяці, ролі Усебеларускага народнага сходу, выкарыстання атамнай энергіі, а таксама гатоўнасці сістэмы аховы здароўя супрацьстаяць 5-й хвалі пандэміі. На кожнае з іх кіраўнік абласной улады даў вычарпальныя адказы. Затым адбылося знаёмства з вытворчай структурай лакаматыўнага дэпо.
– Я ўражаны маштабамі вытворчасці, планамі па яе развіцці, – адзначыў Аляксандр Субоцін. – Любыя зносіны з людзьмі, а гэтая сустрэча і адбываецца ў рамках майго знаёмства з калектывамі прадпрыемстваў і арганізацый вобласці, прыносяць карысць для нас усіх. Мы паслухалі адзін аднаго, дзесьці падыскутавалі, пытанні былі зададзены дастаткова цікавыя і незвычайныя: напрыклад, па пашырэнні паняцця захавання гістарычнай памяці. А бо сапраўды, мы гаворым пра ваенныя подзвігі, але часам забываем пра подзвігі працоўныя, не менш гераічныя і не менш значныя для нас. Для мяне важна наведаць многія працоўныя калектывы, каб вызначыць, дзе, магчыма, трэба дапамагчы, якія ёсць планы і перспектывы, чым людзі жывуць, на каго мне як кіраўніку можна пакласціся ў далейшым развіцці патэнцыялу Віцебшчыны.
