Дэлегацыя Віцебскай вобласці з рабочым візітам знаходзіцца ў правінцыі Шаньдун Кітайскай Народнай Рэспублікі
Праграма мерапрыемстваў пачалася з наведвання Шаньдунскага аграінжынернага ўніверсітэта.
Тут адбылося падпісанне Пагадненняў аб супрацоўніцтве паміж ВДУ ім. П.М. Машэрава і Шаньдунскім аграінжынерным універсітэтам, а таксама паміж Віцебскім дзяржаўным медыцынскім каледжам ім. І.П. Антонава і Другім Шаньдунскім медыцынскім універсітэтам.
Падчас сустрэчы з дэлегацыяй Урада правінцыі Шаньдун на чале з намеснікам губернатара правінцыі Шаньдун Сун Цзюньцзі бакі абазначылі перспектыўныя напрамкі супрацоўніцтва, абмеркавалі далейшыя крокі па развіцці міжрэгіянальных сувязей.
У завяршэнне перамоваў кітайскаму боку прадстаўлена на разгляд Дарожная карта на 2025-2030 гады па рэалізацыі Пагаднення аб супрацоўніцтве паміж Віцебскай вобласцю РБ і правінцыяй Шаньдун КНР.
Візіт працягнецца да 5 снежня.