Старшыня Віцебскага аблвыканкама Аляксандр Субоцін абмеркаваў з намеснікам хокіма Кашкадар'інскай вобласці Узбекістана Алішэрам Закіравым ход рэалізацыі Пагаднення аб супрацоўніцтве паміж рэгіёнамі
Яно датычыцца гандлёва-эканамічнай, навукова-тэхнічнай, культурнай і гуманітарнай сферы.
Прывітаўшы ўзбекскага госця, Аляксандр Субоцін канстатаваў, што яго прыезд на ХІ Міжнародны эканамічны форум “Інавацыі. Інвестыцыі. Перспектывы”, які праходзіць у Віцебску, – чарговае сведчанне сур'ёзнасці намераў. Падчас мінулагодняга візіту дэлегацыі Віцебшчыны ва Узбекістан былі вызначаны некалькі прарыўных напрамкаў, выгадных для абодвух бакоў.
Алішэр Закіраў паведаміў, што Кашкадар'інская вобласць зацікаўлена ў пастаўках ветэрынарных прэпаратаў, дзіцячага харчавання, сістэм ачысткі сцёкавых вод. Таксама ён абазначыў, што неабходна развіваць турыстычны абмен, які знаходзіцца на вельмі нізкім узроўні. Напрыклад, у мінулым годзе Кашкадар'інскую вобласць наведалі толькі 50 турыстаў з Беларусі. А бо побач з рэгіёнам знаходзяцца такія гістарычныя мясціны, як Самарканд і Бухара. Алішэр Закіраў прапанаваў арганізаваць узаемныя інфармацыйныя азнаямленчыя туры для аператараў турыстычных паслуг.
Узбекскі бок таксама выявіў цікавасць да школьнай мэблі і гатункаў алеістага лёну, валакно якога пры вырабе тканіны плануецца дадаваць да бавоўны. Адзін з дрэваапрацоўчых фірмаў падрыхтаваў тэхналагічную прапанову на пастаўку канструкцый для будаўніцтва драўляных дамоў.
Алішэр Закіраў уручыў Аляксандру Субоціну падарунак ад хокіма Кашкадар'інскай вобласці Муратжона Азімава.