Набор на ўмовах мэтавай падрыхтоўкі па спецыяльнасцях, запатрабаваных ААТ «Аршанскі авіярамонтны завод»

Мэтавая падрыхтоўка – падрыхтоўка спецыялістаў з агульнай вышэйшай, сярэдняй спецыяльнай адукацыяй у дзённай форме атрымання адукацыі.

Перавагі пры паступленні на ўмовах мэтавай падрыхтоўкі:

– бясплатнае навучанне ў інтарэсах арганізацыі-заказчыка;

– гарантаванае першае працоўнае месца ў авіяцыйнай арганізацыі, з якой быў заключаны дагавор;

– прахадны бал, як правіла, ніжэйшы, чым па агульным конкурсе;

– павялічвае шансы паступіць на жаданую спецыяльнасць.

Мэтавы набор ажыццяўляецца па спецыяльнасцях сярэдняй спецыяльнай адукацыі: «Тэхнічная эксплуатацыя паветраных суднаў і рухавікоў», «Тэхнічная эксплуатацыя авіяцыйнага і радыёэлектроннага абсталявання паветраных суднаў», а таксама спецыяльнасцях агульнай вышэйшай адукацыі: «Бяспілотныя авіяцыйныя комплексы» і «Тэхнічная эксплуатацыя паветраных суднаў і сродкаў наземнага забеспячэння палётаў».

Для таго, каб стаць курсантам-мэтавіком, абітурыенту неабходна звярнуцца ў аддзел кадраў ААТ «Аршанскі авіярамонтны завод» і заключыць трохбаковы дагавор. Далей з 27 чэрвеня па 2 ліпеня прадаставіць неабходны пералік дакументаў у прыёмную камісію БДАА і здаць унутранае ўступнае выпрабаванне з 4 па 10 ліпеня.

Падрабязней на сайце abiturient.bgaa.by.

 

Па інфармацыі прэс-службы БДАА.