Напрамкі супрацоўніцтва Віцебскай вобласці з Рэспублікай Крым абмеркавалі ў аблвыканкаме
Пра гэта сёння заявіў старшыня аблвыканкама Аляксандр Субоцін падчас рабочай сустрэчы з намеснікам старшыні Савета Міністраў Рэспублікі Крым — Пастаянным прадстаўніком Рэспублікі Крым пры Прэзідэнце Расіі Георгіем Мурадавым.
— Спадзяюся, што гэтая сустрэча стане пачаткам сумеснай дарогі, якая базуецца на агульнай гістарычнай спадчыне. У нас ёсць чым займацца сумесна — ад развіцця эканамічных кантактаў да аднаўлення і пашырэння гуманітарных сувязяў, — падкрэсліў кіраўнік вобласці. Ён спадзяецца, што падчас цяперашняга візіту ўзаемнае жаданне супрацоўнічаць «абрасце» канкрэтнымі прапановамі і дэталямі будучых сумеснымі праектамі ў розных сферах. Тым больш, што ў найбліжэйшы час прадставіцца магчымасць іх абмеркаваць падчас Форуму рэгіёнаў Беларусі і Расіі, які сёлета пройдзе ў ліпені ў Гродне, а таксама на Міжнародным фестывалі «Славянскі базар у Віцебску» — афіцыйнае запрашэнне для крымскай дэлегацыі Аляксандр Субоцін перадаў непасрэдна на сустрэчы. Значным падзеяй для ўсталявання і пашырэння эканамічнага ўзаемадзеяння стане традыцыйны Міжнародны эканамічны форум у Віцебску, запланаваны на восень, адзначыла намеснік старшыні аблвыканкама Анжаліка Нікіціна. Яна таксама прапанавала развіваць пабрацімскія сувязі на ўзроўні раёнаў, стварыўшы для гэтага адпаведную дагаворную базу.
Як адзначыў Георгій Мурадаў, найважнейшым напрамкам эканамічнага супрацоўніцтва можа стаць транспартна-лагістычная сфера. Сёння для беларускіх кампаній крытычна важна пераадолець разрыў лагістычных ланцужкоў паставак тавараў, наладзіць новыя каналы закупак, забяспечыць бесперабойны выпуск прамысловай прадукцыі за кошт пераарыентацыі каналаў паставак камплектуючых. Для гэтага можна выкарыстоўваць развітую партовую інфраструктуру Крыма, дзе пакуль захоўваецца праблема з загрузкай магутнасцей. У распараджэнне эканамічных суб'ектаў Віцебшчыны могуць быць прадастаўлены магчымасці 8 партоў, у тым ліку Керчы, Феадосіі і інш., якія зараз перадаюцца ў Федэральнае агенцтва марскога і рачнога флоту Расіі. Гэта забяспечвае найкарацейшы доступ на рынкі краін паўночнай Афрыкі, Блізкага Усходу, а таксама выхад на Іран і шэраг іншых дзяржаў.
Безумоўна, адным з самых запатрабаваных напрамкаў супрацоўніцтва можа стаць турызм, у тым ліку аздараўленчы і культурна-пазнавальны.
Больш дэталёва магчымасці для пашырэння супрацоўніцтва абмяркоўваліся падчас шэрагу рабочых сустрэч дэлегацыі Рэспублікі Крым з кіраўнікамі падраздзяленняў аблвыканкама, адміністрацыі Віцебска і арганізацый вобласці.