Наваполачане накіравалі гуманітарную дапамогу бежанцам на мяжу
Амаль 1 т прадуктаў харчавання і цёплых рэчаў сёння адправілі з Наваполацка ў якасці гуманітарнай дапамогі бежанцам на беларуска-польскай мяжы.
Дапамаглі з пагрузкай рэчаў і ежы навучэнцы Наваполацкага політэхнічнага каледжа. Перад адпраўленнем транспарту член Савета Рэспублікі, старшыня Наваполацкага гарвыканкама Дзмітрый Дзямідаў падзякаваў усім, хто адгукнуўся на просьбу і ў кароткія тэрміны прыняў удзел у зборы гуманітарнай дапамогі.Сітуацыя, якая адбываецца з бежанцамі ў Гродзенскай вобласці, нікога не можа пакінуць абыякавым. Асабліва калі бачыш, як пакутуюць жанчыны, дзеці, як няпроста ім даводзіцца выжываць у цяперашніх умовах надвор'я. Таму разам з кіраўнікамі наваполацкіх горадаўтваральных прадпрыемстваў, грамадскіх арганізацый, прадстаўнікамі прыватнага бізнесу вырашылі дапамагчы гэтым людзям справіцца з няпростай сітуацыяй. Яны сапраўды трапілі ў бяду. Спачатку да іх уварваліся краіны НАТА наводзіць так званы дэмакратычны парадак, разбурылі іх дзяржаўнасць, пазбавілі магчымасці нармальна жыць, выхоўваць дзяцей, вучыцца і працаваць. Затым паклікалі да сябе ў якасці бежанцаў, і зараз мы ўсе бачым, да чаго гэта прывяло. Нашы людзі не могуць спакойна глядзець на тое, што адбываецца. Упэўнены: у кожнага ў душы ёсць жаданне дапамагчы", - адзначыў Дзмітрый Дзямідаў.-0-