Новы мікрараён індывідуальнай забудовы з'явіцца на паўднёвай ускраіне Віцебска
Праектуемы мікрараён плошчай 95,7 га размешчаны за 5 км ад цэнтра Віцебска на левым беразе ракі Лучоса. Участак будзе забудоўвацца у два этапы да 2037 года. Пры поўным асваенні тэрыторыі колькасць насельніцтва мікрараёна перавысіць 1,5 тыс. чалавек, а аб'ём жыллёвага фонду складзе 38,3 тыс. кв.м.
На першым этапе, разлічаным да 2027 года, плануецца забудаваць 251 участак, у тым ліку праект прадугледжвае каля 170 дамоў, у якіх для ацяплення, гарачага водазабеспячэння і прыгатавання ежы будзе выкарыстоўвацца электраэнергія. Другі этап прадугледжвае асваенне 132 участкаў. Рэалізацыя праектных рашэнняў будзе залежаць ад эканамічных магчымасцей і зацікаўленасці інвестараў у дадзеным будаўніцтве.
Зямельныя ўчасткі для ўзвядзення сядзібных дамоў плануецца прадастаўляць як тым, хто мае патрэбу ў паляпшэнні жыллёвых умоў, так і праз рэалізацыю на аўкцыёнах. Па ацэнцы спецыялістаў, першыя таргі могуць прайсці не раней, чым праз 1,5-2 гады пасля зацвярджэння горадабудаўнічага праекта дэталёвага планавання. Праектуемы мікрараён размешчаны на складаным рэльефе з перападам вышынь да 20 м, што робіць больш працаёмкім працэс інжынернай падрыхтоўкі тэрыторыі, у прыватнасці, па водазабеспячэнні і бытавой каналізацыі.
Згодна з горадабудаўнічым праектам, нароўні з у участкамі пад сядзібныя дамы прадугледжаны тэрыторыі для грамадскай забудовы і азелянення агульнага карыстання. У новым мікрараёне мяркуецца пабудаваць дзіцячую дашкольную ўстанову на 75 месцаў, аб'екты гандлю, грамадскага харчавання і сэрвісу, фізкультурна-аздараўленчы комплекс з басейнам, а таксама ўзводзіць інфраструктуру для адпачынку і забавы.
Праектуемы раён з астатняй часткай горада звяжуць два віды грамадскага транспарту: аўтобус і маршрутнае таксі. Акрамя таго, прапануецца абсталяваць веладарожкі па асноўных вуліцах, якія звязваюць усе бакі мікрараёна з цэнтрам.
Градабудаўнічае развіццё праектуемай тэрыторыі дазволіць павысіць эфектыўнасць выкарыстання гарадской зямлі, стварыць аптымальныя ўмовы пражывання і адпачынку насельніцтва, удасканаліць архітэктурна-эстэтычны аблік Віцебска.