Аб стане вытворчага траўматызму ў арганізацыях Віцебскай вобласці

Паводле аператыўных даных Віцебскага абласнога ўпраўлення Дэпартамента дзяржаўнай інспекцыі працы (далей – упраўленне), у арганізацыях Віцебскай вобласці за I квартал 2021 года ў выніку няшчасных выпадкаў на вытворчасці загінула 6 чалавек (I квартал 2020 года – 5) і цяжкія вытворчыя траўмы атрымалі 20 чалавек (19). Такім чынам, за дадзены справаздачны перыяд адзначаецца рост на адзін няшчасны выпадак са смяротным зыходам і на 1 выпадак, які прывёў да цяжкай вытворчай траўмы.

У 2021 годзе, акрамя названых 6 смяротных няшчасных выпадкаў, якія стаяць на ўліку, – 10 чалавек памерла на вытворчасці ў выніку наяўнасці ў работніка захворвання (I квартал 2020 – 16, I квартал 2019 года - 12).

За I квартал 2021 года рост вытворчага траўматызму са смяротным зыходам адзначаны ў арганізацыях Адміністрацыі Першамайскага раёна г. Віцебска – 2 (I квартал 2020 – 0), у арганізацыях Верхнядзвінскага, Віцебскага, Аршанскага раёнаў – 1 (I квартал 2020 – 0). Пры гэтым колькасць смяротна траўміраваных за дадзены справаздачны перыяд захавалася на ўзроўні 2020 года ў арганізацыях: г. Віцебска – 3, у тым ліку ў арганізацыях Адміністрацыі Кастрычніцкага раёна г. Віцебска – 1 (1).

Рост няшчасных выпадкаў, якія прывялі да цяжкіх вытворчых траўм у бягучым перыядзе 2021 года ў параўнанні з I кварталам 2020 года, адзначаны ў арганізацыях, размешчаных на тэрыторыі: Аршанскага раёна, Адміністрацыі Чыгуначнага раёна г. Віцебска – 2 (I квартал 2020 года – 1), Верхнядзвінскага, Талачынскага, Шумілінскага – 1 (0), акрамя таго, у арганізацыях г. Віцебска – 7 (5), у тым ліку ў арганізацыях, размешчаных на тэрыторыі Першамайскага раёна г. Віцебска – 4 (1), у арганізацыях г. Наваполацка – 3 (1).

За I квартал 2021 года зніжэнне смяротных няшчасных выпадкаў адзначаецца ў арганізацыях камунальнай формы ўласнасці з 2 да 1 выпадку, пры гэтым рост смяротнага траўматызму адзначаецца ў арганізацыях аховы здароўя – 1 (I квартал 2020 года – 0).

За тры месяцы 2021 года колькасць загінулых на вытворчасці ў арганізацыях без ведамаснай падпарадкаванасці захавалася на ўзроўні 2020 года – 3 няшчасныя выпадкі.

У I квартале 2021 года адзначаецца зніжэнне колькасці няшчасных выпадкаў на вытворчасці, якія прывялі да цяжкіх траўм, у арганізацыях камунальнай формы ўласнасці з 14 да 13 выпадкаў, у тым ліку ў арганізацыях сельскай гаспадаркі з 10 да 4. Разам з тым адзначаецца рост колькасці няшчасных выпадкаў, звязаных з вытворчасцю і прывялі да цяжкіх траўм, у арганізацыях архітэктуры і будаўніцтва з 0 да 5 выпадкаў, жыллёва-камунальнай гаспадаркі з 1 да 2, харчовай і лёгкай прамысловасці з 0 да 1.

У справаздачным перыядзе 2021 года колькасць выпадкаў смяротнага вытворчага траўматызму ў арганізацыях рэспубліканскай формы ўласнасці захавалася на ўзроўні 2020 года - 2 выпадкі, у арганізацыях Міністэрства транспарту і Белкаапсаюза, пры гэтым колькасць няшчасных выпадкаў, якія прывялі да цяжкіх траўм у арганізацыях рэспубліканскай формы ўласнасці (Мінлясгас, Белнефцехім, іншых дзяржаўных органаў) павялічылася з 0 выпадкаў да 1.

Па выніках завершаных расследаванняў устаноўлены характэрныя прычыны няшчасных выпадкаў, якія адбыліся за I квартал 2021 года:

- асабістая неасцярожнасць – 50%;

- невыкананне кіраўнікамі і спецыялістамі абавязкаў па ахове працы - 10%;

- допуск пацярпелага да працы без навучання і праверкі ведаў па пытаннях аховы працы – 10%;

- допуск пацярпелага да працы без правядзення стажыроўкі па пытаннях аховы працы і (або) інструктажу па ахове працы – 10%;

- парушэнне правілаў дарожнага руху пацярпелым – 10%;

- парушэнне правілаў дарожнага руху іншай асобай – 10%.

За студзень-сакавік 2021 года дзяржаўнымі інспектарамі працы падчас праведзеных 60 наглядных мерапрыемстваў выяўлена і прадпісана (рэкамендавана) да ліквідацыі 1883 парушэнняў патрабаванняў заканадаўства аб працы і аб ахове працы.

Адхілена ад працы 154 работніка, якія не прайшлі інструктаж, праверку ведаў па ахове працы, не выкарыстоўваюць неабходныя сродкі індывідуальнай абароны, якія забяспечваюць бяспеку працы, не прайшлі медыцынскі агляд у выпадках і парадку, прадугледжаных заканадаўствам, прыпынена праца 99 адзінак станкоў, машын і

іншага абсталявання, 5 цэхаў, 6 будаўнічых аб'ектаў.

Усяго за студзень-сакавік 2021 года мабільнымі групамі з удзелам дзяржінспектараў працы праведзена 511 абследаванняў арганізацый АПК і ў тым ліку без ведамаснай падпарадкаванасці, будаўнічых арганізацый, у ходзе якіх выяўлена 5961 парушэнне патрабаванняў бяспекі.