Прадстаўнікі ВНУ Віцебскай вобласці ўдзельнічаюць у Рэспубліканскай алімпіядзе па менеджменце сярод моладзі

У Рэспубліканскай алімпіядзе па менеджменце сярод моладзі прымаюць удзел 133 студэнты з 16 вышэйшых навучальных устаноў Беларусі, якія прайшлі ўнутрывузаўскі адбор і сталі фіналістамі па выніках першага этапу. Сярод удзельнікаў алімпіяды студэнты і магістранты Віцебскага дзяржаўнага тэхналагічнага ўніверсітэта, Віцебскага дзяржаўнага ўніверсітэта ім. П. Машэрава, Полацкага дзяржаўнага ўніверсітэта імя Ефрасінні Полацкай і Міжнароднага ўніверсітэта "МИТСО".

Сёлета Рэспубліканская алімпіяда па менеджменце сярод моладзі праводзіцца ў 11-ы раз. На яе другім этапе, які праходзіць 31 мая, удзельнікам трэба будзе выканаць тэсціраванне і прадэманстраваць каманднае выступленне. Выніковая ацэнка ў асабістым заліку будзе ўключаць балы па ацэнцы рэферата і прэзентацыі, вынікі тэсціравання і ацэнку паказальных камандных выступленняў.

Для падвядзення канчатковых вынікаў алімпіяды створана Рэспубліканская экспертная камісія, у склад якой уваходзяць прадстаўнікі Дзяржстандарта, Міністэрства адукацыі, БелДІСС. Пераможцы алімпіяды будуць узнагароджаны дыпломамі I, II, III ступені ў індывідуальных і камандных спаборніцтвах, а таксама атрымаюць права на публікацыю працы ў выглядзе навуковага артыкула ў выданнях Дзяржстандарта.

Інфармацыю аб выніках алімпіяды арганізатары размесцяць на сайце Дзяржстандарта.

"ВИТЕБСКИЕ ВЕСТИ", "БЕЛТА"