Перш за ўсё арганізацыйна. Прэзідэнт бачыць неабходнасць сур'ёзна ўкласціся ў тры сферы Беларусі
"Гомельская, Магілёўская і Віцебская - гэта тры вобласці, у якія мы павінны сур'ёзна ўкласціся. І не толькі фінансава, але перш за ўсё арганізацыйна. Дысцыпліна і яшчэ раз дысцыпліна", - падкрэсліў беларускі лідар.
Ён адзначыў, што намеснікі старшынь аблвыканкамаў не навічкі і яны павінны курыраваць рэалізацыю задумы і праграмы той ці іншай вобласці. "У Віцебскай вобласці мора работы", - сказаў Аляксандр Лукашэнка.
Нягледзячы на тое, што Вячаслаў Дурноў, які ўзгоднены на пасаду намесніка старшыні Віцебскага аблвыканкама, будзе весці сацыяльны блок, кіраўнік дзяржавы ставіць агульную задачу для ўсяго кіраўніцтва рэгіёну: "Самы галоўны экзамен для вас на сённяшні дзень - гэта тыя інтэграцыйныя структуры (у АПК. - Заўв.), якія мы стваралі. За іх трэба адказваць галавой".
"На Магілёўшчыне мора работы. Добра, што туды Ісачэнка (старшыня Магілёўскага аблвыканкама Анатоль Ісачэнка. - Заўв.) рызыкнуў вярнуцца", - працягнуў кіраўнік дзяржавы.
"Ну, і сітуацыя ў нас не простая з так званымі санкцыямі і іншым. Настроі людзей. Так, многія ачунялі пасля 2020 года. Вы гэта бачыце зноў жа не горш за мяне. Але трэба разумець, што дастаткова людзей, якія не проста думаюць інакш (думаць жа не забаронена), а якія чакаюць зручнага моманту. Гэтых людзей вы павінны бачыць. Мабілізуйце вакол сябе праваахоўныя органы. Яны павінны дзейнічаць у зададзеным напрамку. Перш за ўсё той напрамак, які выканаўчы камітэт на месцы стварае", - падкрэсліў Аляксандр Лукашэнка.
